भारतीय क्रिकेट टीमका स्पिनर तथा अलराउन्डर रवीन्द्र जडेजाले न्युजील्यान्डविरुद्धको टेस्ट म्याचको दोस्रो दिन आइतवार अविश्वसनीय क्याच लिएका छन् । 

ब्याट्सम्यान नील वाग्नरले गरेको प्रहारपछि जडेजाले हावामा उफ्रेर एक हातले लिएको क्याच देख्दा सबैजना छक्क परे । 

दर्शक मात्र नभई जडेजा आफैं पनि क्याच देखेर छक्क परे । आफूले बल त्यति तीव्र गतिमा आउला जस्तो नठानेको उनले बताए । 

जडेजाले डीप मिडविकेटमा लिएको शानदार क्याचले वाग्नर र काइल जेमिसनबीच भएको नवौं विकेटको ५१ रनको साझेदारीलाई टुंग्याएको थियो । 

दिनको खेल अन्त्य हुँदासम्म भारतले न्युजील्यान्डविरुद्ध ९७ रनको अग्रतम लिएको छ तर उसका ६ विकेट झरिसकेका छन् ।

What an absolute B E A U T Y of a catch by #ravindrajadeja to dismiss Neil Wagner.. Everyone including the batsman was like "did he really catch that??" Incredible athleticism.. 👏🏼👏🏼👏🏼#INDvsNZ #jadeja pic.twitter.com/vGSjCuVYRi

— Toshi (@saffron_sword3) March 1, 2020