धूम्रपान गर्नेहरूले आफ्ना कपडाबाट खतरनाक रसायन निकालेर सार्वजनिक स्थानलाई प्रदूषित बनाउने वैज्ञानिकहरूले दाबी गरेका छन् । 

यस्तो किसिमको पहिलो अध्ययनमा अनुसन्धाताहरूले धूम्रपान गर्नेहरू सिनेमा हलमा प्रवेश गर्दा रसायनको स्तर कसरी परिवर्तन हुन्छ भनी हेरेका थिए । 

फिल्म चल्दै गर्दा धूम्रपान गर्नेहरू उपस्थित भएको ठाउँमा विषाक्त रसायनहरू बढेका थिए । अन्य मानिसलाई एक घन्टामा लगभग १० वटा चुरोट बराबरको धूम्रपान लुगाबाटै गराइएको पाइयो । 

तम्बाकूका रसायनहरू हावामा फैलिरहने खतरा रहेको र लुगा तथा फर्निचरहरूमा टाँसिने गरेको यी अध्ययनले देखाएका छन् । 

येल विश्वविद्यालयका अनुसन्धाताहरूले भवनभित्र धूम्रपानमा प्रतिबन्ध लगाउने नियम भए पनि चुरोटको धूवाँमा हुने खतरनाक रसायन भवनभित्र पस्ने गरेको देखाएका छन् । 

अनुसन्धानमा संलग्न एक प्राध्यापक ड्रु गेन्टरले भनिन्, ‘मानिसहरूले धूम्रपानका खतरनाक रसायन अन्य क्षेत्रमा फैलाइरहेका छन् । त्यसैले चुरोट पिउने व्यक्तिसँगै बसेर सेकेन्डह्यान्ड स्मोक गर्दैमा बचिएको भन्न नमिल्ने किनकि धूम्रपान गर्नेको कपडाले थर्डह्यान्ड स्मोक गराउँछ ।’

अनुसन्धान टोलीले अति संवेदनशील विश्लेषणात्मक उपकरणहरू उपयोग गरेर एक हप्तासम्म सिनेमाहलमा परीक्षण गरेका थिए ।