संघ सरकारका कृषि तथा पशुपन्छी विकासमन्त्री घनश्याम भुसालले ७ वटै प्रदेशका कृषिमन्त्रीसँग नेपालको कृषि क्षेत्रमा दीर्घकालीन विकासको लागि प्रदेशका विभागीय मन्त्रीसँग प्रि बजेट छलफल गरेका छन्।

संघ, प्रदेश, स्थानीय तहबीच समन्वय गरेर कृषिको विकासका आगामी योजना, नीति, कार्यक्रम र बजेट सम्बन्धमा राजधानीमा २ दिनसम्म चलेको छलफलमा पाँच बुँदे समझदारी भएको छ। 

 सहमति अनुसार कृषि क्षेत्रको विकासका लागि संघीय र प्रादेशिक मन्त्रालयबीच योजना, कार्यक्रम र बजेट निर्माण समन्वयात्मक ढंगले गरिने भएको छ, भने संरक्षण र विकासका लागि तीनवटै तहका सरकारबाट प्रदान गरिने सेवा, सुविधा, र श्रोत परिचालनमा एकरुपता ल्याइने छ।