कात्तिक १८, २०८०
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
फागुन २७, २०७६
प्रधानमन्त्री केपी शर्मा ओली मिर्गाैला प्रत्यारोपणका लागि अस्पताल भर्ना भएपछि सेलाएको राजनीति बिस्तारै तात्न थालेको संकेत देखिएको छ ।
मिर्गाैला प्रत्यारोपणपछि ओली अस्पतालमै आराम गरिरहेका बेला उनी निकट दुई नेता प्रदेश ५ का मुख्यमन्त्री शंकर पोखरेल र संघीय सरकारका स्वास्थ्यमन्त्री भानुभक्त ढकालले नेकपा उपाध्यक्ष वामदेव गौतमसँग छुट्टाछुट्टै भेट गरी विद्यमान राजनीतिक विषयमा कुराकानी गरेको खुलेको छ ।
मुख्यमन्त्री पोखरेलले आइतवार र ढकालले सोमवार गौतमसँग भेट गरेका हुन् । केहीअघि नेकपाभित्र देखापरेको आन्तरिक द्वन्द्व समाधान र मेलमिलापका लागि नेताद्वयले गौतमसँग भेट गरेको प्रचार गरिएपनि दुवै नेताले मेलमिलापबारेको प्रस्ताव लिएर आफूलाई भेट्न नआएको तर भेटमा राजनीतिक विषयमा कुरा भएको उपाध्यक्ष गौतमले लोकान्तर डट्कमसँग बताए ।
‘स्वास्थ्यमन्त्री ढकालले मलाई भेट्न मेरो निवासमै आउँछु भनेर फोन गर्नुभयो । मैले ठिकै छ नि त भनेपछि उहाँ मलाई भेट्न आउनुभएको हो, तर नेकपामा देखा परेको राजनीतिक विवाद समाधान र मेलमिलापको प्रस्ताव लिएर आएको हुँ भनेर उहाँले भन्नुभएन,’ गौतमले लोकान्तरसँग भने, ‘उहाँले राजनीतिक द्वन्द्वको निकासका लागि के सोच्नुभएको छ भनेर मलाई सोध्नुभयो । मैले प्रधानमन्त्री ओलीको समेत सहमतिमा नेकपा सचिवालयमा भएको निर्णय कार्यान्वयन हुनुपर्छ भनें । यदि भएन भने के हुन्छ भनेर उहाँले प्रतिप्रश्न गर्नुभयो । आफू समेत संलग्न बैठकले गरेको सर्वसम्मत निर्णय मान्दिनँ भनेर प्रधानमन्त्रीले भन्नुहुन्छ भन्ने कुरा मैले कल्पना पनि गरेको छैन, यदि मान्दिनँ भन्नुभयो भने गम्भीर दुर्घटना हुनसक्छ, नसोचेको र अप्रिय अवस्था आउँछ भनें ।’
दुई साता (फागुन १४ गते) अघि नेकपा सचिवालयले राष्ट्रिय सभामा मनोनयनका लागि उपाध्यक्ष गौतमको नाम राष्ट्रपतिसमक्ष सिफारिश गर्न सरकारलाई अनुरोध गर्ने निर्णय गरेको थियो । निर्णय भएको केही घण्टामै प्रधानमन्त्री ओलीले नेकपाका केही शीर्ष नेतालाई फोन गरेर आफूलाई घेराबन्दीमा पार्न खोजिएकाले राष्ट्रिय सभामा गौतमलाई लैजाने निर्णय कार्यान्वयन नगर्ने र युवराज खतिवडालाई नै निरन्तरता दिने बताएका थिए ।
ढकाल र तपाईंबीच पार्टीभित्र देखिएको राजनीतिक अविश्वासका बारेमा थप के–के छलफल भयो भन्ने लोकान्तरको प्रश्नमा गौतमले थपे, ‘उहाँ (स्वास्थ्यमन्त्री ढकाल)ले यदि सचिवालयको निर्णय मान्दिनँ भनेर प्रधानमन्त्रीले भन्नुभयो भने कस्तो दुर्घटना हुन्छ भन्न खोज्नुभएको हो भनेर प्रतिप्रश्न गर्नुभयो । मैले सचिवालयको निर्णय मान्दिनँ भन्नुभयो भने उहाँमाथि कारवाही हुन्छ भनें । किनभने पार्टीको निर्णय नमान्ने जोसुकैलाई पनि कारवाही हुँदै आएका थुप्रै उदाहरण छन् भनेर सम्झाएँ ।’
नेकपा सचिवालयले पार्टी अध्यक्षलाई कारवाही गर्ने अधिकार राख्छ त भन्ने अर्को प्रश्नमा गौतमले थपे, ‘पहिलो कुरा त आफू समेत संलग्न रहेको बैठकको सर्वसम्मत निर्णय अध्यक्ष ओलीले मान्नुहुन्नँ भनेर मैले कल्पना गरेको छैन । तर उहाँले सचिवालयको निर्णय मान्दिनँ भनेर भनेको कुरा बाहिर आइरहेको छ । उहाँले असन्तुष्टिसम्म व्यक्त गर्नुभएको होला, तर पार्टी निर्णय नै मान्दिनँ भनेर भन्नुभएको होला भनेर मैले सोचेको छैन । दोस्रो यदि उहाँले मान्नुभएन भने उहाँमाथि पार्टीले कारवाही गर्छ । तर त्यस्तो कारवाही नेकपा सचिवालयले गर्ने होइन, गर्न सक्दैन । पार्टी अध्यक्षमाथि कारवाही गर्ने विषय स्थायी कमिटी हुँदै केन्द्रीय समितिमा छलफलमा पुुग्ने विषय हो । छलफलपछि कारवाहीको निर्णय लिने अधिकार केन्द्रीय समितिलाई हुन्छ । यदि ती तहमा यो विषय पुग्यो भने सचिवालयको निर्णय कार्यान्वयन हुनुपर्छ भन्ने आवाज स्वाभाविक रूपमा उठ्ने छ, मैले यही विषय मन्त्री ढकाललाई जानकारी गराएँ ।’
प्रदेश ५ का मुख्यमन्त्री पोखरेलसँग तपाईंको के विषयमा कुरा भयो भन्ने प्रश्नमा उपाध्यक्ष गौतमले पोखरेलसँग राजनीतिक विषयमा सामान्य छलफल भएको र खासगरी प्रदेश ५ को स्थायी राजधानी तोक्ने विषयमा अलि बढी छलफल भएको जानकारी दिए ।
‘उहाँ (पोखरेल)ले प्रदेश ५ को केन्द्र कहाँ राख्दा उपयुक्त हुनसक्छ भनेर मेरो धारणा बुझ्न खोज्नुभयो । मैले सबै दृष्टिले दाङको भालुवाङमा प्रदेश ५ को केन्द्र राख्न सकिने आफ्नो धारणा सुनाएँ । भालुवाङलाई नयाँ शहरका रूपमा विकसित गर्न सकिन्छ । त्यसो गर्दा बाँके, बर्दिया, प्युठान, अर्घाखाँची, रुकुम पूर्व, रोल्पा र कपिलवस्तुलाई पनि पायक पर्छ भनेर भनें ।’
पढ्नुहोस्, सम्बन्धित समाचार :
ओलीलाई सचिवालय सदस्यहरूको स्पष्ट सन्देश– कि पार्टी निर्णय मान्नुस् कि छोड्नुस् !
विगतमा प्रधानमन्त्रीले पार्टीलाई नटेर्दा भएका थिए ठूल्ठूला दुर्घटना, के–के थिए ती ?
'नेकपा जेट'मा 'ककपिट'भित्रै झगडा : 'सेफल्यान्डिङ' कि दुर्घटना ?
नेकपाभित्र भिडन्तको संकेत, वामदेवको नाम उल्ट्याएर युवराजको नाम सिफारिश !
पार्टी र प्रधानमन्त्रीबीच औपचारिक द्वन्द्व सतहमा, एक्लै थेग्न सक्छन् ओली ?
माधव नेपालसँगको भेटपछि निकटस्थसँग ओलीले भने– खतिवडालाई सिफारिश गर्ने निर्णयबाट ब्याक हुन्न
प्रधानमन्त्री ओली गम्भीर संकटमा, अति निकटस्थबाटै पार्टी निर्णय नउल्टाउन दबाब
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...