स्पेनका फूटबल अधिकारीहरूले दुई हप्ताका लागि ला लिगा स्थगित गरेका छन् । रियाल मड्रिड क्लबका खेलाडीहरूलाई आइसोलेसनमा रािखएपछि ला लिगा स्थगित गरिएको हो । 

रियाल मड्रिडका बास्केटबल खेलाडीमा कोरोना पुष्टि भएपछि सबै टीमहरूले क्लबको भाल्देबेबास ट्रेनिङ ग्राउन्डमा खेलाडीलाई क्वारेन्टाइनमा राखेका हुन् । 

त्यसपछि देशका शीर्ष खेल अधिकारीहरूले ला लिगा स्थगित गर्ने निर्णय लिए । 

यस निर्णयले तल्लो डिभिजनका क्लबहरूको खेल पनि स्थगित गराएको छ । 

मार्का पत्रिकाले लेखेअनुसार, ला लिगा अधिकारीहरू पूरै खेल स्थगित गर्ने पक्षमा थिएनन् तर एसोसिएसन अफ स्पेनिस फूटबलर्सले उनीहरूलाई दबाब दियो । 

यससँगै रियाल मड्रिडले म्यानचेस्टर सिटीसँग खेल्ने च्याम्पियन्स लीगको दोस्रो लेगको खेल पनि स्थगित भएको छ । 

अनि नेपोली पनि बार्सिलोना जान नपाउने भएको छ ।