धनुषाको गणेशमान चारनाथ नगरपालिककी १४ बर्षीय करिना मोक्तानलाई अपहरण गर्ने अपहरणकारीहरुलाई हात हतियारसहित प्रहरीले पक्राउ गर्न सफल भएको छ ।

प्रदेश २ को प्रदेश प्रहरी कार्यालयका प्रहरी नायब उपरीक्षक अंशु कुमार सिंहका अनुसार उदयपुर, सिरहा र धनुषाबाट खटेका संयुक्त सुरक्षाकर्मीको टोलीले अपहरित करिनालाई शकुशल उद्धार गर्नुका साथै अपहरणकार्यमा संलगन रहेका १४ जनालाई पक्राउ गर्न सफल भएको हो ।

धनुषाको गणेशमान चारनाथ नगरपालिका वडा नम्बर ५ गौरीखोला बसने लाल बहादुर मोक्तानको छोरीलाई बुधबार २८ गते दिनको ३ बजे तिर अपहरण गरिएको थियो ।

प्रहरीले खज तलाश गर्ने क्रममा संयुक्त रुपमा ओप्रेसन चलाउदा बिहिवार ३ बजे तिर उदयपुरको कतारी नगरपालिका वडा नम्बर १ खसिबास जंगल बाट ८ जना पुरुष तथा ६ जना महिलाहरुलाई हात हतियार सहित पक्राउ गर्न सफल भएको डिएसपी सिंहले बताए ।

उनीहरुको साथबाट ११ थान सकेट बम,१ थान प्रेसर कुकर बम,चाइनिज पेस्तोल ३ थान,म्यागेजिन ३ थान,गोली ९ राउण्ड,खुकुरी १ थान,डेटोनेटर ३ थान बरामद गरिएको उनले बताए ।

उनीहरु विप्लव समुहमा संलग्न हुन सक्ने आशंका गरिएको भए पनि त्यसको पुष्टी भने हुन सकेको छैन । अपहरण किन गरिएको थियो वा तिनीहरु कुन समुहमा लागेका हुन् भन्ने कुरा अहिले खुल्न नसकेको सिंहले बताए ।