निरन्तर उकालो लागेको सुनको भाउ बिहेको साइत सकिएसँगै अघिल्लो दिनका तुलनामा शुक्रवार अनपेक्षित रुपमा ३ हजार रुपैयाँले घटेको छ ।

बिहीवार ८१ हजार ५०० रुपैयाँमा कारोबार भएको  प्रतितोला छापावाल सुन शुक्रवार ७८ हजार ५०० रुपैयाँमा झरेको सुनचाँदी व्यवसायी महासंघले बताएको छ ।

अन्तर्राष्ट्रिय बजारमा भइरहेको उतारचढावको प्रभाव नेपाली बजारमा पनि परेकाले मूल्य तलमाथि भइरहेको महासंघले जनाएको छ । 

महासंघका अनुसार गत मंगलवार तोलाका ८२ हजार ७०० रुपैयाँमा कारोबार भएकोे पहेंलो धातुको मूल्यमा बुधवार २०० रुपैयाँले कमी आएको थियो भने बिहीवार ८०० रुपैयाँले घटेको थियो ।

चाँदीको मूल्यमा पनि ४० रुपैयाँले गिरावट आएको छ । शुक्रवार असली चाँदीको मूल्य ८२० रुपैयाँ कायम भएको छ ।