कपिलवस्तुको कृष्णनगर नगरपालिकाका नगर प्रमुख रजतप्रताप साह नेकपामा प्रवेश गरेका छन् ।

स्थानीय तहको निर्वाचनमा स्वतन्त्रबाट नगर प्रमुख निर्वाचित भएका साहलाई नेकपाका अध्यक्ष पुष्पकमल दाहाल ‘प्रचण्ड’ र नेता मातृकाप्रसाद यादवले काठमाडौंमा आयोजित एक कार्यक्रमकाबीच पार्टीमा प्रवेश गराई स्वागत गरेका हुन् ।

साहसँगै कृष्णनगरका युवा व्यवसायी इस्लाम खान पनि नेकपामा प्रवेश गरेका छन् । प्रमुख साहले नेकपाको नीति राम्रो भएकाले आफू सो पार्टीमा प्रवेश गरेको बताए ।