भारतबाट आएकालाई क्वारेन्टाइनमा राख्न होटेल भाडामा !

शेरबहादुर थापा
शेरबहादुर थापा

थापा लोकान्तरकालागि कर्णाली प्रदेशका प्रतिनिधि हुन् ।

कर्णाली प्रदेश सरकारले कोरोना विरुद्ध लड्न तयारी गरेको भनिरहेका बेला भारतबाट उद्दार गरी ल्याएका नागरिकलाई होटेलमा राख्नु परेको छ ।

क्वारेन्टाइन निर्माणका लागि चार दिन अघि मात्रै तयारी गरेको प्रदेश सरकारले भारतका विभिन्न शहरबाट कर्णाली आउन लागेका र रुपैंडिया एवम कैलालीमा अलपत्र परेका नागरिकलाई होटलमा क्वारेन्टाइनको व्यवस्था गरेको हो ।


Advertisement

जिल्ला प्रहरी कार्यालय सुर्खेतका प्रहरी उपरीक्षक दिल्लीराज पन्तका अनुसार प्रदेश सरकारले बाँके जिल्ला प्रशासन कार्यालयको सहयोगमा भारतबाट आएका ५७ जना नागरिकलाई जुम्ला रोडमा रहेको अशोका होटलमा राखेको जानकारी दिए ।

‘१२ गते बिहान दुई बजेको समयमा भारतबाट नेपालका विभिन्न नाका हुदै सुर्खेत भित्रिएका पुरुष ५३ र महिला ४ गरी जम्मा ५७ जनालाई क्वारेन्टाइनमा राख्नुपर्ने भएकोले वि.न.पा.६ स्थित खुल्ला मैदानमा क्वारेन्टाइन निर्माणधीन अवस्थामा रहेकोले उनीहरुलाई कर्णाली प्रदेश सरकारको आर्थिक सहयोगमा वि.न.पा.१० दैलेखी चोकस्थित रहेको अशोका होटलमा २७ वटा कोठा भाडामा लिई राखिएको छ,’ उनले भने ।


Advertisement

रुपैडियाबाट उद्दार गरिएकाको स्वास्थ्य जाँच गरिएको र ज्वरोलगायतका कुनै पनि लक्षण नदेखिएको कर्णाली प्रदेशका सामाजिक विकासमन्त्री दल रावलले बताए । ‘उद्दार गरिएका नागरिकलाई सुर्खेतमा राख्ने वा घर पठाउने भन्ने विषयमा छलफल हुदैँछ,’ उनले भने, ‘कन्चनपुरकोे गड्डाचौकीबाट ४३ जनाको उद्दार गरेको छ । उनीहरु बुधबार दिउसो सुर्खेत पुग्ने र क्वारेन्टाइनमा राख्नेछौं ।’

भारत लगायत विदेशवाट आउने नागरिक अनिवार्य रूपमा १४ दिन क्वारेन्टाइनमा बस्ने व्यवस्थालाई मध्यनजर गर्दै प्रदेश सरकारले वीरेन्द्रनगरमा एक हजार बेडको क्वारेन्टाइन वार्ड निर्माण गरिरहेको छ ।

शेरबहादुर थापा
शेरबहादुर थापा

लेखकबाट थप...

कमेन्ट गर्नुहोस्