बेलायतको केन्टमा एक महिला जोर्ब बल (प्लास्टिकको गोलो) भित्र बसेर सामान किन्न गएकी छन् । कोरोनाभाइरसको डरले गर्दा उनले यस्तो कदम चालेकी हुन् । 

यसको भिडियो फूटेजमा उनी जोर्ब बलभित्र बसेर सुपरमार्केट गएको र खानेकुरा किनेको देखिन्छ । 

एकजना पुरुष उनको पछिपछि लाग्छन् अनि सामान समातेर बास्केटमा राखिदिन्छन् ।

सहयोग गर्ने मानिसलाई ती महिलाको अनौठो प्रविधिका बारेमा सोध्दा उनले भने, ‘उनी एकान्तावासमा छिन् । उनलाई कीटाणुहरूसँग डर लाग्छ ।’

ती पुरुषले जोर्ब बललाई लगातार एन्टीसेप्टिक वाइपले पुस्छन् । 

अरू मानिसहरू चाहिँ ट्रेसी नामक ती महिलाको हर्कत देखेर मरीमरी हाँस्छन् ।