भुटानमा कोरोना भाइरस रोकथामका लागि लकडाउनको अवधि बढाएर २१ दिन बनाएको छ। सोमबार घोषणा गरेको २१ दिने लकडाउन मंगलवारदेखि लागु हुने छ। 

भुटानका प्रधानमन्त्रीको आधिकारीक ट्वीटर एकाउन्टमा सरकारले २१ दिने लकडाउन गर्ने निर्णय गरेको उल्लेख छ । उच्च सर्तकताका लागि लकडाउन अत्यावश्यक वाध्यता बनेको प्रधानमन्त्रीको भनाइ छ। 

 भुटानमा सोमवारसम्म चार जनामा कोरोना भाइरसको सङ्क्रमण पुष्टि भएको छ। अमेरिकाको जोन्स हकिन्स विश्वविद्यालयका अनुसार सबैभन्दा पहिलो बिरामी मार्च ५ मा भेटिएका थिए। ती व्यक्ति अमेरिकाका ७६ वर्षीय पर्यटक थिए। 

उनी भारतको आसामको समेत भ्रमण गरेर भुटान आएका थिए।