‘महिलाहरू घरमा पनि मेकअप गरेर बस्नू, झगडा कम हुनेछ’– मलेसिया सरकारको अनौठो सुझाव

कोरोनाभाइरस संक्रमण रोक्नका लागि लकडाउन लगाइएकाले परिवारका सदस्यहरूले एकअर्कासँग समय बिताउन पाइरहेका छन् । तर यसक्रममा पतिपत्नीबीच झगडा बढिरहेको खबर पनि आइरहेका छन् । 

यस क्रममा मलेसिया सरकारले परिवारमा शान्ति कायम गर्न महिलाहरूलाई मेकअप गरेर बस्न अनि पतिलाई नसताउन सल्लाह दिएको छ । यो लैंगिक भेदभावपूर्ण सुझाव भन्दै विरोध भएको छ । 


Advertisement

मलेसियाको महिला मन्त्रालयले लकडाउनका बेलामा कसरी बस्ने भनी आफ्नो फेसबूक पेजमा टिप्स दियो । पोस्टमा पतिलाई टेन्सन नदिन महिलाहरूलाई सुझाव दिइएको छ । 

घरमा बस्दा राम्रो कपडा लगाएर बस्न अनि मेकअप गर्न पनि उनीहरूलाई सुझाव दिइएको छ । अनि भान्सा र बेडरूम सफा राख्दा मानसिक स्थिति सही रहने भनिएको छ । 


Advertisement

यसको व्यापक आलोचना भएपछि पोस्ट हटाइएको छ । 

आइसोलेसनमा बस्दा कैयौं महिलाले घरेलु हिंसा सहनुपरेको खबर छ । स्थानीय सञ्चारमाध्यममा आएका खबरअनुसार, सरकारी हेल्पलाइनमा पहिलेभन्दा ५० प्रतिशत बढी यस्ता कलहरू आइरहेका छन् । 
 

एजेन्सी
एजेन्सी

लेखकबाट थप...

कमेन्ट गर्नुहोस्