‘बिहे पछि गरौंला, अहिले बिरामीको उपचार गर्छु’– डाक्टरले देखाइन् निःस्वार्थ भाव

भारतको केरलामा बस्ने सर्जन डा शिफा मोहम्मदको विवाह दुबईमा बस्ने एक व्यापारीसँग यही आइतवार हुनुपर्ने थियो । 

तर देशमा कोरोनाभाइरसको संक्रमण फैलिएपछि बिहे गर्नुको साटो उनी सुरक्षा वस्त्र लगाएर कोरोनाका रोगीहरूको उपचारमा खटिएकी छन् । 


Advertisement

बिहे हुनुपर्ने दिन डा मोहम्मद कन्नुरमा रहेको परियारम अस्पतालको आइसोलेसन वार्डमा व्यस्त थिइन् । दुलहीले लगाउने जरीवाला वस्त्रको साटो उनी व्यक्तिगत सुरक्षा उपकरण (पीपीई) लगाएर बसेकी थिइन् । 

‘बिहे त पछि गर्दा पनि हुन्छ, तर आइसोलेसन वार्डमा बाँच्नका लागि संघर्ष गरिरहेका मेरा बिरामीहरूलाई अलपत्र छोड्न मिल्दैन,’ उनले दुलाहा र आफ्ना मातापितालाई बताइन् । उनीहरूले डा शिफाको निर्णय माने । 


Advertisement

‘प्रत्येक युवतीको जीवनमा विवाह महत्त्वपूर्ण घटना हो । तर मेरी छोरीले व्यक्तिगत चाहनालाई पछि सार्दै सामाजिक जिम्मेवारी र व्यावसायिक प्रतिबद्धता देखाएकी छन् । उनले बिहे सारौं भन्दा हामीले सजिलै मान्यौं,’ पिता मुक्कम मोहम्मदले भने । 

‘हामीले दुलाहा अनुस मोहम्म्दलाई यो कुरा भन्दा उनले पनि सजिलै माने । म सामाजिक कार्यकर्ता हुँ र मेरी पत्नी शिक्षिका हुन् । मेरा दुवै छोरीले हामीमा रहेको सामाजिक भावनालाई अपनाएका छन्,’ उनले थपे । 

उनकी जेठी छोरी पनि चिकित्सक हुन् र अहिले कोझिक्कोडे अस्पतालमा खटिएकी छन् ।

एजेन्सी
एजेन्सी

लेखकबाट थप...

कमेन्ट गर्नुहोस्