स्वास्थ्य तथा जनसंख्या मन्त्रालयले नेपालमा कोरोनाभाइरस (कोभिड- १९) को थप संक्रमित आज नभेटिएको जनाएको छ ।

शुक्रवार आयोजित नियमित पत्रकार सम्मेलनमा मन्त्रालयका प्रवक्ता डा. विकास देवकोटाले हालसम्म जम्मा ६ जना मात्र संक्रमित रहेको बताए ।

'हालसम्म संक्रमित केस ५ वटा हो, निको भएर फर्किसकेका एक व्यक्ति बाहेक,' प्रवक्ता देवकोटाले भने, 'त्यसमध्ये २ जना काठमाडौंमा, २ जना बाग्लुङमा र १ जना धनगढीमा उपचाररत हुनुहुन्छ ।'

पोखरामा कोरोना संक्रमित भेटिएको भन्ने समाचारको पनि प्रवक्ता देवकोटाले खण्डन गरे ।

'पोखराको केस पोजेटिभ निस्कियो भन्ने कुरा (मिडियामा) आएको छ, पोखरामा हालसम्म कुनै पोजेटिभ केस छैन,' देवकोटाले भने ।