कपिलवस्तुको विजयनगर गाउँपालिका वडा नं १ गुगौलीमा आगलागी भएको छ ।

आगलागीबाट अहिलेसम्म करीब २० भन्दा बढी घर जलेर नष्ट भएका छन् । गाउँको उत्तरदेखि शुरू भएको आगो हावाको बहावसँगै पुरै गाउँमा फैलिएको छ ।

आगो नियन्त्रण आउन सकेको छैन । नेपाल प्रहरी, सशस्त्र प्रहरी र स्थानीयले आगो नियन्त्रणको प्रयास जारी राखेका छन् ।

आगलागीबाट अहिलेसम्म कुनै पनि मानवीय क्षति नभएको स्थानीय रामप्रकट कोरीले जानकारी दिए ।

कृष्णनगर नगरपालिकाको दमकल बिग्रिएकाले तौलिहवाको दमकल आउँदै गरेको इलाका प्रहरी कार्यालय गणेशपुरका प्रहरी निरीक्षक मधु नेपालले जानकारी दिए । तौलिहवा र गुगौलिको दूरी करीब ५० किलोमिटर रहेको छ ।