विश्वव्यापी महामारीको रुपमा फैलिएको कोरोना भाइरस (कोभिड-१९) का कारण शनिवार साँझसम्म विश्वमा मृतकको संख्या ६१ हजार १ सय ९५ पुगेको छ। विश्वमै सबभन्दा धेरै संक्रमित रहेको अमेरिकामा मृतकको संख्या ७ हजार ४ सय ५१ पुगेको छ। 

विश्वमा कोरोना संक्रमतिको संख्या शनिवार साँझसम्म ११ लाख ४१ हजार ३८ पुगेको छ। शुक्रबाार यो संख्या १० लाख १५ हजार ७ सय २७ तथा बिहीवार ९ लाख ३६ हजार १ सय ७० थियो।

शनिबाार साँझसम्म २ लाख ३६ हजार ६ सय ५० जना निको भएका छन्। शुक्रबार यो संख्या २ लाख १२ हजार ९ सय ९१ थियो। शनिबारसम्म अमेरिकापछि धेरै संक्रमति रहेको इटालीलाई पछि पार्दै कोरोना संक्रमितको संख्या स्पेनमा बढेको छ।

इटालीमा १ लाख १९ हजार ८ सय २७ जनालाई संक्रमण देखिएकोमा स्पेनमा १ लाख २४ हजार ७ सय ३६ जनामा संक्रमण देखिएको छ। स्पेनमा शनिबारमात्र ५ हजार ५ सय ३७ नयाँ संक्रमित फेला परेका छन्।
इटालीमा १४ हजार ६ सय ८१ जनाको मृत्यु भएकोमा स्पेनमा ११ हजार ७ सय ४४ जनाको मृत्यु भइसकेको अन्तर्राष्टिय समाचार संस्थाहरुले जनाएका छन्। 

सन् २०१९ डिसेम्बरमा कोरोनाको संक्रमण शुरु भएको चीनलाई पछि पार्दै जर्मनी र फ्रान्समा संक्रमतिको संख्या बढिरहेको छ। चौथो स्थानमा रहेको जर्मनीमा ९० हजार ५० तथा धेरै संक्रमित रहेको पाँचौ राष्ट फ्रान्समा संक्रमितको संख्या ८२ हजार १ सय ६५ पुगेको छ। चीनमा  संक्रमतिको  संख्या ८१ हजार ६ सय ३९ छ।

बेलायतमा मृतकको संख्या चीनमा भन्दा बढी भएको छ। चीनमा ३ हजार ३ सय २६ जनाको मृत्यु भएको छ भने बेलायतमा ४ हजार ३ सय १३ पुगेको छ। बेलायतमा शनिबार एकै दिन ३ हजार ७ सय ३५ जनालाइ नयाँ संक्रमण देखिएपछि संक्रमतिको संख्या ४१ हजार ९ सय ३ पुगेको छ।

नेपालको दक्षिणी छिमेकी देश भारतमा शनिबार साझसम्म ८६ जनाको मृत्यु भएको छ। भारतमा ३ हजार ८२ जनालाई संक्रमण देखिएको छ। नेपालमा भने शनिबारसम्म १ हजार ५ सय २१ जनाले स्वास्थ्य परीक्षण गराएकोमा ९ जनामा संक्रमण देखिएको छ। शनिबार मात्र ३ जना नयाँ संक्रमति फेला परेका थिए।