कात्तिक १८, २०८०
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
विश्वरभर फैलिएको कोरोनाभाइरस (कोभिड १९) का कारण अधिकांश देश लकडाउनको अवस्थामा छन् । नेपालमा पनि सरकारले कोरोना भाइरसको संक्रमण फैलिन सक्ने भन्दै लकडाउन गरेको छ ।
देशमा अहिले खाद्यान्न तथा दैनिक उपभोग्य वस्तु र अत्यावश्यक सेवाबाहेक अन्य कुरा ठप्पप्राय: छन् । लकडाउनको असर देशको हरेक क्षेत्रमा परेको छ ।
कोरोनाको त्रास र लकडाउनको असर अस्पतालहरूमा पनि परेको देखिएको छ । त्रिभुवन विश्वविद्यालय शिक्षण अस्पताल महाराजगञ्ज पुग्दा लकडाउनको प्रभाव प्रस्टै देखिन्थ्यो ।
फाट्टफुट्टबाहेक मानिसहरूको अवातजावत थिएन् । स्वास्थ्यकर्मीहरू फुर्सदमा थिए ।
टिचिङ अस्पतालको दृश्य
टिचिङ अस्पताल छिर्नेवित्तिकै प्रर्सनल प्रोटेक्टिभ इक्युपमेन्ट (पीपीई) लगाएका स्वास्थ्यकर्मीले प्रारम्भिक स्वास्थ्य जाँच गर्ने व्यवस्था मिलाइएको थियो ।
अस्पतालको पूर्वतर्फको गेटबाट छिर्नेवित्तिकै देख्ने गरी पालमा ‘कोरोना क्लिनिक’ लेखेको देखियो । केही स्वास्थ्यकर्मी कोरोना शंकास्पद् बिरामी हुन् कि होइनन् भनेर छुट्ट्याउनका लागि बसेका थिए ।
एक स्टाफनर्स पीपीई लगाएर बसेकी थिइन् । तर करीब २ घण्टाको बसाईमा एकजना पनि ज्वरो र रुघाखोकीका बिरामी आइपुगेनन् ।
टिचिङ अस्पतालको उत्तरपट्टि रहेको गणेश भवनमा कोरोनाका बिरामी राख्न आइसोलेसन सेन्टर बनाइएको छ ।
अन्य बिरामीको चाप झण्डै शून्य जस्तो थियो । भर्ना भएका बिरामीबाहेक ओपीडीतर्फबाट विगत एक हप्तामा बिरामी आएको आफूले नदेखेको टिचिङमा कार्यरत एक सेक्युरिटी गार्डले लोकान्तरलाई बताए ।
‘लकडाउनपछि बिरामी आएका छैनन् । अन्य समयमा सयौंको संख्यामा लाइन हुन्थ्यो, अहिले त्यस्तो छैन,’ उनले भने ।
समान्य समयमा टिचिङ अस्पतालमा बिहानदेखि टोकन लिएर लाइन बस्नुपर्ने हुन्थ्यो ।
रौतहटका राम हरिजन राय सुत्केरी व्यथा लागेकी श्रीमतीलाई लिएर ४ दिन अगाडि टिचिङ अस्पताल आएका रहेछन् । उनले आउनेवित्तिकै सेवा पाए, श्रीमतीले छोरो जन्माइन् ।
मानिसहरूको भीडभाड नभएकाले सहजै सेवा पाएको अनुभव उनले सुनाए ।
२ वर्षअगाडि भाइ बिरामी भएको समयमा आउँदाको टिचिङ अस्पताल र अहिलेको टिचिङ अस्पतालमा धेरै भिन्नताको पाएको उनको भनाइ थियो ।
अस्पतालको आकस्मिक कक्षमा पनि खासै भीडभाड छैन ।
टिचिङ अस्पतालबाट नजिकै पर्ने कान्ति बाल अस्पताल पनि सुनसान नै छ ।
फाट्टफुट्ट बाहेक अरू मानिस देखिँदैन् । लकडाउनपछि एकजना पनि नयाँ बिरामी ओपीडीमा नआएको कान्ति अस्पतालमा कार्यरत सेक्युरीटी गार्डले लोकान्तरलाई बताए ।
आकस्मिक कक्षमा भने बिरामीहरू आइरहेको उनको भनाइ छ ।
वीरमा जे देखियो
नेपालको सबैभन्दा ठूलो र चर्चित सरकारी अस्पताल वीरमा पनि अस्पताल छिर्नेवित्तिकै देखिने गरी कोरोना जाँच सेन्टर राखिएको छ । पूरानो विल्डिङमा छिर्ने गेटनजिकै ज्वरो जाँच्नका लागि स्वास्थ्यकर्मी खटिएका छन् ।
रुघाखोकी लागेका बिरामी जाँच्ने ठाउँ भने प्रस्टै देखिने गरी व्यवस्था गरिएको छ । पुरानो भवनमा बिरामीको चाप निकै कम छ । भर्ना भएका बिरामीबाहेक अन्य बिरामी वीर अस्पतालमा पनि खासै छैनन् ।
आकस्मिक कक्षमा केही भीडभाड देखिएपनि भित्र भने बिरामीको चाप देखिएन ।
आकस्मिक कक्षमा भएका बेडहरू लगभग भरिएका थिए तर अन्य समयभन्दा धेरै नै खाली भएको आकस्मिक कक्षमा रहेकी एक स्टार्फ नर्सले बताइन् ।
‘अरू समयमा आकस्मिक कक्षमा पनि भीडभाड नै हुन्थ्यो, अहिले त्यस्तो भीडभाड छैन, लकडाउनले गर्दा होला,’ उनले लोकान्तरसँग भनिन् ।
वीर अस्पतालसँगैको ट्रमा सेन्टरमा पनि कोरोनाका शंकास्पद बिरामीलाई प्ररम्भिक सोधपुछ र ज्वरो नाप्ने स्थानको व्यवस्था गरिएको छ । त्यहाँ पनि एक स्वास्थ्यकर्मी खटाइएको थियो ।
आकस्मिक कक्षमा छिर्ने ठाउँमा पीपीई लगाएका सेक्युरिटी गार्ड खटिएका छन् । आकस्मिक कक्षमा छिर्ने जो कोहीलाई स्यानिटाइजर प्रयोग गर्न लगाउने र ज्वरो नापेर भित्र पठाउने गरिएको उनले लोकान्तरलाई बताए ।
गाउँबाट पैसा मगाउन नपाउँदा समस्या !
पर्सा पोखरीथानाका प्रभुराम टाउको रगत जमेपछि उपचारका लागि १५ गते वीर अस्पताल आएका रहेछन् ।
श्रीमतीसँगै काठमाडौं आउने बेलामा ५० हजार बोकेर आएको बताउने उनी अहिले पैसा सकिएकाले समस्या भएको बताउँछन् ।
‘उपचार र बसेर खाँदा पैसा पनि सकियो, गाउँबाट पैसा मगाउनका लागि आईएमई पनि नखुल्दा समस्या भएको छ,’ प्रभुरामकी श्रीमतीले लोकान्तरसँग भनिन् ।
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...