काठमाडौं महानगरपालिकाले बाँडेको राहत लिन पहुँचवाला र टाठाबाठाको हालीमुहाली देखिएको छ ।

कोरोनाभाइरस (कोभिड १९) को संक्रमण फैलिन नदिन सरकारले लकडाउन गरेपछि महानगरपालिकाले विपन्न र दैनिक ज्यालादारी गर्ने मजदुरका लागि राहत बाँड्न थालेको हो ।

महानगरपालिकाले सोमवार काठमाडौंको सामाखुशी र रानीबारी क्षेत्रमा राहत बाँडेको छ । महानगरले बाँडेको दाल, चामल र तेल लिन पहुँचवाला समेत लाइनमा बसेका थिए । 

‘जसले राहत पाउनुपर्ने हो उनीहरूले पाएका छैनन्, जसलाई राहत जरुरी छैन उनीहरू सबैभन्दा अगाडि आएर लाइनमा बसेका छन्,’ राहातका लागि लाइनमा बसेकी एक महिलाले भनिन् । 

राहात लिनका लागि लामो लाइन लागेको थियो ।

सरकारले दूरी कायम गर्न आग्रह गरेपनि राहतको लागि लाइनमा बस्नेको भीडभाड थियो । 

हेर्नुहोस्, राहत लिनेहरूको भीड :