फिलिपिन्समा मास्क लगाउन नमान्ने व्यक्तिमाथि प्रहरीले चलायो गोली

फिलिपिन्समा ६३ वर्षीय एक व्यक्तिले कोरोनाभाइरस लकडाउन नियम उल्लंघन गरेपछि प्रहरीले गोली प्रहार गरेर मारेको छ । ती व्यक्तिलाई सम्झाउँदा हिंस्रक व्यवहार देखाएपछि प्रहरीले गोली चलाएको हो । 

उक्त व्यक्ति मास्क नलगाइकन हिँडेको थियो र उसलाई चेकपोइन्टमा गाउँको एक स्वास्थ्यकर्मीले चेतावनी समेत दिएका थिए । घटना आगुसान देल नोर्तेको नासिपिट भन्ने ठाउँमा बिहीवार भएको हो ।


Advertisement

मास्क लगाऊ भन्दा ऊ आक्रामक भयो र अधिकारीहरू तथा प्रहरीलाई हँसिया देखाएर तर्साउन खोज्यो । 

घटना भएको बेलामा उक्त व्यक्ति रक्सीले टिल्ल परेको बुझिएको छ । सम्झाउँदा नमानेपछि उसलाई एक प्रहरी अधिकारीले गोली हानेर मारेका थिए । 


Advertisement

फिलिपिन्सका राष्ट्रपति रोड्रिगो डुटेर्टेले देशमा लगाइएको कडा लकडाउनको उल्लंघन गर्नेलाई गोली हान्न प्हरी तथा सेनालाई आदेश दिने भनी घोषणा गरेको भोलिपल्टै यो घटना भएको हो । 

कोरोनाभाइरसका कारण फिलिपिन्समा १६० भन्दा बढी मानिसको मृत्यु भइसकेको छ ।
 

एजेन्सी
एजेन्सी

लेखकबाट थप...

कमेन्ट गर्नुहोस्