कात्तिक १५, २०८०
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
चैत २५, २०७६
दैलेखको आठबीस नगरपालिका–९ का नमराज कठायत भारतको हिमाञ्चल प्रदेशको कुल्लु मनालीको प्रिती बजारमा फसेका छन् ।
दैनिक ज्यालामजदुरी गरेर कमाइ गर्न उनी गत फागुनमा त्यहाँ गए तर केही हप्तामै कोरोना भाइरस संक्रमण रोकथामका लागि भारत सरकारले लकडाउन गर्यो ।
लकडाउनले उनको कमाइ रोकिएको छ । भारतीयले ज्यालादारीका मजदुरले आफ्नै देश जान दबाब दिइरहेका छन् । उनीसँग त्यहाँ १५ जनाभन्दा बढी नेपाली छन् ।
पछिल्लो पटक भारत गएर कठायतले ८ दिन मात्रै काम गर्न पाए । जसबापत उनले ६ हजार ३०० रुपैयाँ कमाए । त्यहीँ कमाइले अहिले खाइरहेका छन् तर छिट्टै पैसा सकिएर भोकभोकै हुनुपर्ने पीडादायक अवस्थालाई उनले अनुमान गरिरहेका छन् । उनीसँग कुनै उपाय पनि छैन ।
‘राम्रै आम्दानी भइरहेको थियो,’ लोकान्तरसँग कुराकानी गर्दै उनले भने, ‘भारत सरकारले लकडाउन गरेपछि न काम पाइएको छ, न त बाहिर निस्कन पाइएको छ ।’ उनी बसेको क्षेत्रमा ३०० भन्दा बढी नेपाली अलपत्र परेका कठायतले बताए ।
कालिकोटका धन शाहीले दुःखेसो पोखे, ‘हामीले काम गरेर नै खाने हो । ज्याला मजदुरी गर्न नपाएपछि के किन्नु, के खानु ?’ भारतीय नागरिकले नेपाल फर्कन दबाब दिइरहेको बताउँदै उनले गाडी नचलेका कारण नेपाल फर्कन समस्या भएको बताए ।
दैलेखका युवक थापासहित १० जनाको समूह विगत २ हप्तादेखि कोठामा नै बसिरहेको छ । ‘पहिले किनेको सामान खाएर सकिएको छ । अहिले पसल पनि कम खुल्छन् । कोठामा कमाएर राखेको पैसा सकिएको छ,’ लोकान्तरसँग गुनासो गर्दै उनले भने । कुल्लु मनालीमा कर्णालीका ४०० भन्दा बढी युवा रहेको उनले बताए ।
‘सुर्खेत, दैलेख, जाजरकोट, जुम्ला, कालिकोट, कैलाली लगायतका जिल्लाबाट रोजगारीका लागि आएका सयौं युवा अलपत्र परेको अवस्था छ । कोठामा खाद्यान्नको सुको पनि छैन । बाहिर निस्कन सक्ने अवस्था झनै छैन,’ उनले भने, ‘कोरोनाभन्दा खान नपाई मरिने पो हो कि भन्ने चिन्ता यहाँका नेपालीमा छ । यसको समाधान कसले गरिदेला खै ?’
भारतको नयाँदिल्लीस्थित नेपाली राजदूतावासमा समेत पटक–पटक फोन गरेको बताउँदै उनले भने, ‘मैले प्रत्येक दिन कम्तिमा १० पटक फोन गरिरहेको छु । राजदूतावासबाट न फोन फर्काइन्छ, न त फोन उठाउने र गुनासा सुन्ने काम हुन्छ । परदेशमा हामी नेपालीलाई किन आयौं जस्तो भइरहेको छ ।’
‘अब हामीलाई कर्णाली सरकारले हुन्छ वा नेपाल सरकारले हुन्छ, कि नेपाल फिर्ता गरिदेओस् कि हामीलाई खानाको व्यवस्था गरिदेओस्,’ थापाले भने ।
प्रदेश सरकारका आन्तरिक मामिला तथा कानून मन्त्री नरेश भण्डारीले हिमाञ्चल प्रदेशमा रहेका कर्णालीका नागरिकको समस्या समाधान गर्न कूटनीतिक पहल गर्ने बताए । ‘लकडाउन भारतभर रहेका कारण उद्धार गर्न समस्या हुन्छ कि ? जो जहाँ छन्, त्यहीँ व्यवस्थापन गर्ने कुरा भारतसँग नेपाल सरकारले गरिरहेको छ,’ मन्त्री भण्डारीले भने, ‘उहाँहरूलाई अत्यावश्यक खानपिनको व्यवस्थापन गर्ने गरी प्रदेश सरकारले संघीय सरकारमार्फत कूटनीतिक पहल गर्छ ।’
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...