दुई महिनापछि परिवार भेट्न पाएपछि ग्वाँ ग्वाँ रोए चिनियाँ स्वास्थ्यकर्मी (भिडियो)

चीनको हुबेइ प्रान्तमा दुई महिनासम्म कोरोनाभाइरसविरुद्ध लडेका स्वास्थ्यकर्मीहरूले परिवार भेट्न पाएपछि ग्वाँ ग्वाँ रोएको भावुक भिडियो सार्वजनिक भएको छ । 

फुजियानबाट गएको स्वास्थ्यकर्मीको टोलीमा १९४ जना सदस्य थिए । उनीहरू दुई महिनापछि घर फर्केका हुन् । 


Advertisement

उनीहरूले १४ दिनको क्वारेन्टीन अवधि पूरा गरे र अनि सोमवार आफ्नो परिवारलाई भेट्न पाए । फेब्रुअरी ११ मा उनीहरू घरबाट निस्केका थिए । 

देशभरिका स्वास्थ्यकर्मीहरू हुबेइमा उपचारका लागि पुगेका थिए तर अब उनीहरू क्रमशः त्यहाँबाट फर्कदैछन् । हुबेइ प्रान्तको राजधानी वुहानले बुधवारबाट लकडाउन हटाउँदैछ । 


Advertisement

स्वास्थ्यकर्मीहरूका पतिहरूले फूल लिएर पत्नीहरूको स्वागत गरेका थिए । बालबालिकाहरू आफ्ना डाक्टर आमाबुवालाई देखेर दौडिँदै अँगालो हाल्न पुगेका थिए । 

‘म विवाहको दिनमा छु अनि दुलहीलाई देख्दैछु जस्तो लाग्यो,’ एक नर्सका पति चियान सिआओहाङले स्थानीय सञ्चारमाध्यमलाई बताए । 

अर्को एक भावुक भिडियोमा एक चिनियाँ डाक्टरले कोरोनाविरुद्ध ५५ दिनको लडाइँपछि आफ्नो छोरोलाई भेटेको देखिन्छ । 

डाक्टरले ५ वर्षीय छोरोलाई वुहानबाट फर्केर आएपछि अँगालो हाल्न पाएनन् । 

डाक्टरले क्वारेन्टीनमा बस्नुपर्ने भएकाले बाउछोराले अँगालो हाल्न पाएनन् । 

एजेन्सी
एजेन्सी

लेखकबाट थप...

कमेन्ट गर्नुहोस्