कपिलवस्तु अस्पतालमा मृत्यु भएकी निशाको कोरोना जाँच रिपोर्ट ‘नेगेटिभ’

प्रकाश आचार्य
प्रकाश आचार्य

प्रकाश आचार्य लोकान्तरका लागि ५ नम्बर प्रदेशका प्रतिनिधि हुन् ।

कपिलवस्तु जिल्ला अस्पताल तौलिहवामा सोमवार निधन भएकी कलुमान निशाको कोरोना जाँच रिपोर्ट ‘नेगेटिभ’ आएको छ ।

कोरोनाको आशंकामा अस्पतालमा मृत्यु भएकी उनको भैरहवास्थित कोरोनाको जाँच गर्ने प्रयोगशालामा स्वाब परीक्षण गर्दा नेगेटिभ रिपोर्ट आएको हो ।


Advertisement

प्रदेश ५ जनस्वास्थ्य प्रयोगशालाका निमित्त प्रमुख डा. राजेन्द्रकुमार गिरीले कलुमानको स्वाब परीक्षण गर्दा नेगेटिभ रिपोर्ट आएको लोकान्तरलाई जानकारी दिए । 

कपिलवस्तुको यशोधरा गाउँपालिका–६ रंगपुरकी ३६ वर्षीया निशालाई ज्वरो आएपछि आइतवार कपिलवस्तु जिल्ला अस्पताल तौलिहवा लगिएको थियो । त्यहाँका स्वास्थ्यकर्मीले इमर्जेन्सीमा राखेर जाँच्नुको साटो भैरहवाको मेडिकल कलेज जान भनेका थिए । मेडिकल कलेजले जिल्ला अस्पतालमै फर्काइदिएको थियो तर उनीहरू बिरामी भएको एम्बुलेन्ससम्म पुग्दा–नपुग्दै निशाको प्राण गइसकेको थियो ।


Advertisement

गिरीले मंगलवार १४ जनाको स्वाब परीक्षण गरिएको जानकारी दिए । बुटवलको कोरोना विशेष अस्पतालमा मृत्यु भएका बाबुराम थापाको शव मृत्युको १० दिनसम्म उठ्न सकेको छैन । 

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्