लकडाउनमा मौलाउँदै अपराध : सुनचोर र काठ तस्कर पक्राउ

लखन चाैधरी
लखन चाैधरी

लखन चौधरी लोकान्तरका लागि सुदूरपश्चिम प्रदेश प्रतिनिधि हुन् । 

लकडाउनको मौका छोपी आपराधिक गतिविधि मौलाउँदै गएको पाइएको छ ।

कोरोनाको महामारीप्रति सबै निकायको ध्यान केन्द्रित भएको बेला कैलालीका विभिन्न स्थानमा आपराधिक गतिविधि भइरहेको पाइएको हो ।


Advertisement

जिल्ला प्रहरी कार्यालय कैलालीले लकडाउनको मौका छोपेर गरिएका केही आपराधिक क्रियाकलापलाई बिहीवार सार्वजनिक गरेको छ ।

जिल्ला प्रशासन कार्यालय अगाडि रहेको धनगढी उपमहानगरपालिका–१ का  विनोदकुमार बर्माले सञ्चालन गरेको प्रिया सुनचाँदी गहना पसलमा बुधवार राति चोरी भयो । प्रहरीको अनुसन्धान टोलीले चोरिएका सामानसहित संलग्नलाई पक्राउ गर्न सफल भएको जिल्ला प्रहरी कार्यालय कैलालीका प्रहरी नायव उपरीक्षक दक्षकुमार बस्नेतले बताए ।


Advertisement

उनका अनुसार पक्राउ पर्नेमा धनगढी उपमहानगरपालिका–१ स्थित कारागार रोड बस्ने ४५ वर्षीय पप्पु गुप्ता र उनको छोरा वर्ष २० वर्षीय पवन गुप्तालाई नियन्त्रणमा लिएको छ । चोरी गरेको सामान घरको छतमा रहेको पानीको ड्रममा लुकाएका थिए । यसअघि पनि पप्पु गुप्ताले लागूऔषध, सार्वजनिक अपराध मुद्दा खेपिसकेका छन् । 

यसैबीच प्रहरीले घरमा अवैध काठ चिरान तथा तस्करीमा संलग्नलाई पक्राउ गरेको छ । गोदावरी नगरपालिका–१२ हलौडेका स्थानीय नरीबहादुर साउँदलाई चैत २६ गते घरमा अवैध चिरान काठ तथा काठका गोलिया लुकाइछिपाई राखेको अवस्थामा पक्राउ गरेको छ ।

प्रहरीले उनको घरबाट चिरान कडी, चौपटा, सिल्ली, ३ थान गोलिया लगायत गरी १२१ क्युफिट काठ बरामद भएको जनाइएको छ । नरी साउँदलाई थप अनुसन्धानको लागि डिभिजन वन कार्यालय धनगढीको जिम्मा लगाइएको छ । 

लकडाउनको मौका छोपी आपराधिक गतिविधिले प्रश्रय पाएका छन् । जिल्लाको कतिपय सामुदायिक वनबाट पनि काठ तस्करी हुँदै आएका घटना सार्वजनिक भएका छन् ।

लखन चाैधरी
लखन चाैधरी

लेखकबाट थप...

कमेन्ट गर्नुहोस्