क्यालिफोर्नियामा महिलाले सुपरमार्केटका सामान चाटिन्, परिन् पक्राउ

अमेरिकाको क्यालिफोर्नियामा बस्ने एक महिलाले सुपरमार्केटमा सामान किन्नुअघि त्यसलाई चाटेको भेटिएपछि प्रहरीले पक्राउ गरेको छ । 

नेवाडासँगको सीमामा रहको लेक ताहोका प्रहरी प्रवक्ता क्रिय फियोरले एएफपीलाई बताएअनुसार, प्रहरीलाई मंगलवार सेफवे स्टोरमा बोलाइएको थियो । एक महिला खरिददारले स्टोरमा राखिएका खाद्यान्न तथा अन्य सामानहरू चाटेको स्टोरका कर्मचारीले बताए ।


Advertisement

त्यसरी चाटेर उनले लगभग दुई हजार डलर बराबरको सामान बेकामे बनाइदिएकी थिइन् । 

महिलाले स्टोरका गहनाका अनेकौं टुक्रा हातमा राखेको र तिनलाई चाटेको पनि आफूले देखेको सेफवेका कर्मचारीहरूले बताए । त्यसपछि उनले लगभग १८ सय डलर बराबरको सामान बास्केटमा हालेकी थिइन् । 


Advertisement

एल डोरोडो काउन्टीमा रहेको यस सुपरमार्केटमा ग्रोसरी बाहेकका सामानहरू पनि बेच्ने गरिएको छ । 

महिलाले बास्केटमा राखेको गहना तथा अन्य सामानहरू संक्रमित भएका कारण बेच्न नमिल्ने भएको एक कर्मचारीलाई प्रहरीले बताए । 

प्रहरीले ती महिलासँग सोधपुछ गर्दा उनीसँग बास्केटमा राखेको सामान किन्ने हैसियत नभएको पत्ता लाग्यो ।

ती महिला साउथ लेक ताहोमा बस्ने जेनिफर वाकर हुन् । उनलाई सार्वजनिक स्थानमा रहेका वस्तु नष्ट गरेको आरोपमा पक्राउ गरिएको छ । 

एजेन्सी
एजेन्सी

लेखकबाट थप...

कमेन्ट गर्नुहोस्