फिफा वरियतामा नेपाल यथावत

प्रतिकात्मक तस्वीर

विश्व फुटबलको सर्वोच्च निकाय (फिफा) ले बिहीवार सार्वजनिक गरेको वरियतामा नेपाल यथावत रहन सफल भएको छ ।

फिफाले सार्वजनिक गरेको नयाँ वरियताअनुसार नेपाल १७० औं स्थानमा रहँदै यथावत् स्थानमा रहन सफल भएको हो । गत महिना पनि नेपाल १७० औं स्थानमै रहेको थियो ।


Advertisement

दक्षिण एशियाली राष्ट्रमा भने नेपाल तेस्रो स्थानमा रहेको छ । नेपालभन्दा अगाडि भारत र माल्दिभ्स रहेको छ । भारत १०८ औं स्थानमा रहँदा माल्दिभ्स १५५ औं स्थानमा रहेको छ ।

नेपालभन्दा तल भुटान, बंगलादेश, श्रीलंका र पाकिस्तान रहेको छ । भुटान १८९ औं स्थानमा छ भने बंगलादेश १८७ औं स्थानमा छ ।


Advertisement

पाकिस्तान २०० औं स्थानमा रहँदा श्रीलंका २०६ औं स्थानमा रहेको छ । 

नयाँ वरियताको शीर्ष स्थानमा बेल्जियम रहेको छ भने फ्रान्स दोस्रो स्थानमा छ । त्यसैगरी ब्राजिल तेस्रो, इङ्ल्यान्ड चौथो तथा उरुग्वे पाँचौं स्थानमा रहेको छ । 

कमेन्ट गर्नुहोस्