प्रदेश नम्बर २ को प्रदेश अस्पताल जनकपुरको भवनमा रहेको प्रदेश जनस्वास्थ्य कार्यालयको प्रयोगशालामा कर्मचारीहरूको असहयोगका कारण काेराेना भाइरसकाे परीक्षणमा प्रभावित बनेकाे छ।

प्रदेश जनस्वास्थ्य कार्यालयको प्रयोगशालालाई प्रादेशिक अस्पतालमा सारेर परीक्षणका लागि मेसिन जोडिएको थियो। त्यहाँ चैत २१ देखि परीक्षण समेत सुरु भएकाे थियाे।

दैनिक ५ देखि ७ वटाको नमूना परीक्षण हुँदै आएकोमा मंगलबार कर्म‍चारी र प्रादेशिक अस्पतालका मेडिकल सुपरिटेन्डेन्ट नागेन्द्रप्रसाद यादवबीचकाे विवादका  कारण परीक्षण नै भएन।

अस्पताल स्रोतका अनुसार पीपीई पनि विश्वासिलाे नभएकाे भन्दै कमर्चारीहरु विराेधमा उत्रिएका हुन् । प्रदेश सरकारले स्वास्थ्य सुरक्षाका विश्वसनीय उपकरणहरू उपलब्ध नगराएका कारण  परीक्षण गर्न नसकिने भन्दै कर्मचारीहरूले अवरोध गरिरहेका छन् ।