कात्तिक २१, २०८०
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
कोरोना भाइरस संक्रमण फैलिन नदिन सरकारले गरेको लकडाउनमा समेत केही दिनयता काठमाडौंबाट यात्रुबाहक बस बाहिर जिल्ला गइरहेका छन् ।
बुधवार बिहान ७ बजे ५० जना यात्रु बोकेको बस जनकपुर आइपुग्दा देख्नेहरू आश्चर्यचकित भए । लकडाउनको अवधिमा सवारीसाधन सञ्चालन गर्न नपाउने अवस्थामा काठमाडौंबाट यात्रुबस जनकपुरसम्म कसरी पुग्यो ? जनकपुरको मुजेलियास्थित ट्राफिक प्रहरी चेकपोस्टनिर गाडी रोकिएको थियो ।
‘जनकपुर इन्जिनीयरिङ कलेजको बसबाट यात्रुहरू ओर्लिएर गन्तव्यतर्फ लागेका थिए,’ स्थानीय रामसागर साहले भने, ‘पछि बुझ्दा लकडाउनले लामो समय काठमाडौंमा बस्नुपर्दा समस्यामा परेर घर जान चाहनेहरूलाई कलेजको बसले ल्याएको रहेछ ।’
लकडाउनको अवधिमा काठमाडौंबाट ना१ख ९३७८ नम्बरको बस जनकपुर आएको इन्जिनीयरिङ कलेजका सञ्चालक अर्जुन सिंहले बताए । ‘मंगलवार साँझ ८ बजेतिर ५० जना यात्रुलाई निःशुल्क रुपमा ल्याएर जनकपुर छाडेको छु,’ उनले भने ।
बसलाई जनकपुर बजारभित्र भने ल्याइएको थिएन । जनकपुर प्रवेश गर्ने चेकपोस्ट मुजेलियामा प्रहरीले बसलाई रोकेको थियो । धनुषाका प्रमुख जिल्ला अधिकारी कोशहरी निरौलाले बसलाई जनकपुर बजारमा प्रवेश गराउँदा राम्रो नहुने र बाहिरै कतै पार्क गरेर राख्न भनेपछि धनुषाको गणेशमान चारनाथ नगरपालिका अन्तर्गत वीरेन्द्र बजारमा राखेको सिंहले बताए ।
यसरी गरियो पहल
‘नेकपाका नेता तथा ऊर्जामन्त्री वर्षमान पुनले रोल्पा क्षेत्रका जनताका लागि काठमाडौंबाट बस व्यवस्थापन गर्ने गरेको कुरा सुनेपछि मैले पनि नेकपाका नेता तथा पूर्व स्थानीय विकास मन्त्री रामचन्द्र झालाई सम्पर्क गरें । मैले आफ्नो बस निःशुल्क रुपमा उपलब्ध गराइदिन्छु, तपाईंले फर्काउनका लागि पहल गरिदिनुपर्यो भनेर भनेको थिएँ,’ सिंहले भने, ‘बाँकी सबै कुरा उहाँले नै पहल, नेतृत्व, संयोजन सबै गर्नुभयो ।’ बीपी राजमार्ग हुँदै आएको बस बुधवारै राति काठमाडौं फिर्ता हुने तर कुनै पनि यात्रु नलैजाने उनले बताए ।
नेकपा केन्द्रीय सदस्य तथा पूर्व स्थानीय विकास मन्त्री रामचन्द्र झाले नै नेतृत्व तहबाट पहल गरेर काठमाडौंमा रहेका व्यक्तिलाई जनकपुर ल्याउन सबै पहल गरेको कुरा सिंहले बताए । १ महिनादेखि लकडाउनमा आफ्नै घर/डेरामा ‘होम क्वारेन्टाइन’मा बसेका व्यक्तिको जीवन काठमाडौंमा प्रभावित बन्दै गएको अवस्था आएपछि सुरक्षित तरिकाले घर फर्काएको उनले बताए ।
‘काठमाडौंमा अलपत्र फसेका मानिस धनुषाको जनकपुर फर्किन चाहनुहुन्छ भने मसँग सम्पर्क गर्नुस् वा काठमाडौं–धनुषा सम्पर्क मञ्चमा सम्पर्क गर्नुस् भनेर सामाजिक सञ्जालमा आफ्नो मोबाइल नम्बर सार्वजनिक गरेको थिएँ,’ झाले लोकान्तरसँग भने, ‘जनकपुर फर्किन चाहनेहरूले म जाने भनेर भन्न थाले । करीब ५० जनाको सूची तयार भएपछि अनुमतिका लागि काठमाडौंका प्रमुख जिल्ला अधिकारी (सीडीओ) लाई बसको नम्बर म्यासेज गरेर फोन समेत गरे ।’
सीडीओले अनुमति दिएपछि प्रहरी हुँदै खबर भएर यात्रा सहज भएको झाले बताए । उनका अनुसार धनुषाका सीडीओसँग पनि समन्वय गरिएको थियो ।
काठमाडौंबाट थप २ वटा बस आउँदै
कतिपय व्यक्ति पैदल नै हिँडेर गाउँतिर गइरहेकाले फर्किन चाहनेलाई घर फर्काउन पहल गर्दै नेतृत्व लिएको उनी बताउँछन् । ‘आज (बुधवार) पनि २ वटा बसमा जनकपुर पठाउने तयारी गरेका छौं,’ झाले भने, ‘साँझ ७ बजेतिर ती बसहरू जानेछन् ।’ बुधवार पठाउने सवारीसाधनका लागि पनि काठमाडौं र धनुषाको प्रमुख जिल्ला अधिकारीबाट सवारी अनुमति लिइसकेको उनले बताए ।
‘प्रदेश सांसद शत्रुघन महतो र निर्माण व्यवसायी बलराम महतोले एउटा–एउटा बसको संयोजन गरिदिएका छन्,’ उनले भने, ‘थप तेस्रो बसको संयोजन गर्न अर्का प्रदेश सांसद रामचन्द्र मण्डललाई समेत भनेको छु ।’ बुधवार जाने बस हेटौडा हुँदै पठाउने तयारी गरिएको जनाइएको छ ।
काठमाडौंबाट जनकपुर फर्किने व्यक्तिमा कुनै पनि किसिमको संक्रमण देखिएको नदेखिएको नेता झाले बताए । ‘एक महिना घरमा क्वारेन्टाइनमा बसेका कारण संक्रमण फैलिने समस्या हुँदैन,’ उनले भने, ‘कोही काम गर्न काठमाडौं आएका छन्, कोही पढ्न त कोही १–२ दिनको कामका लागि काठमाडौं आएका छन् । ती सबै मानिस अचानक गरिएको लकडाउनमा फसे ।’
धनुषा काठमाडौं सम्पर्क मञ्चका अध्यक्ष किरण कार्कीलाई ५० हजार रुपैयाँ उपलब्ध गराएर बेखर्ची बसेका व्यक्तिको खानाको व्यवस्थापन समेत गरिएको उनले बताए ।
पाल्पामा दुईवटा खोलामा डुबेर मंगलवार दुई जनाको ज्यान गएको छ । पाल्पाको तिनाउ गाउँपालिका–३ मा रहेको तिनाउ खोलाको ड्याममा डुबेर घुम्न आएकी भारतीय युवती महिलाको मृत्यु भएको जिल्ला प्रहरी कार्यालय, पाल्पाक...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपाली सेनाका कर्णेल कामेश्वर यादवको घरमा चोरी भएको छ । ललितपुर महानरपालिका–१८ भैँसेपाटीमा रहेको उनको घरबाट १९ लाख ४२ हजार ६ सय रुपैयाँसहित विभिन्न सामानहरू चोरी भएको जिल्ला प्रहरी परिसरका एसएस...
भैहवाबाट झण्डै २० किलोमिटर पश्चिममा छ रुपन्देहीको सियारी–५ मा बैदौली गाउँ । सोही गाउँकी ३३ वर्षीया सावित्रा खरेल खनाल आमा बन्ने खुसीको मुखैमा थिइन् । विवाह गरेको दुई वर्ष मात्रै पुग्नै लाग्दा सावित्रा आम...
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...