भोलि बिहीवारका लागि डाकिएको सत्तारूढ दल नेपाल कम्युनिस्ट पार्टी (नेकपा) को   स्थायी कमिटी बैठक स्थगित भएको छ ।

सचिवालय बैठकपछि छुट्टै भेट गरेका अध्यक्षद्वय केपी शर्मा ओली र अध्यक्ष पुष्पकमल दाहालबीच सचिवालयमा दस्तावेज सर्वसम्मतले पारित भएपछि स्थायी कमिटी बैठक बस्ने निष्कर्ष निकालेका थिए ।

दस्तावेज बनाउने जिम्मेवारी अध्यक्ष ‘प्रचण्ड’ र महासचिव विष्णु पौडेलले लिएका छन् ।

‘दुवै नेताहरूले तयार पारेको दस्तावेज पहिला सचिवालयमा पेश हुन्छ,’ बालुवाटार स्रोतले भन्यो, ‘त्यो दस्तावेज सर्वसम्मत ढंगबाट पास भएपछि स्थायी कमिटी बैठक बोलाएर छलफल हुन्छ ।’

गत शनिवार बसेको सचिवालय बैठकले बिहीवारदेखि स्थायी कमिटी बैठक शुरू हुने निर्णय गरेको थियो । दस्तावेज लेखन पूरा नभएपछि अध्यक्षद्वय स्थायी कमिटी बैठक सार्न तयार भएका हुन् ।