सत्तासिन नेपाल कम्युनिस्ट पार्टी (नेकपा) का प्रवक्ता नारायणकाजी श्रेष्ठले पार्टीलाई फुट र विसर्जनको बाटोबाट जोगाउन अपील गरेका छन्।

नेकपाको स्थायी कमिटी बैठक बिहीबार बस्ने भनिए पनि अन्ततः अनिश्चित बनेका बेला श्रेष्ठले सूक्ष्म ब्लगिङ सेवा ट्वीटरबाट यस्तो प्रतिक्रिया दिएका हुन्।

उनले ट्वीट गर्दै भनेका छन्, 'अतः नेपाली जनताको भरोसाको प्यारो पार्टी नेकपालाई फुट र बिसर्जनको खतरावाट बचाऔं, एकता र रुपान्तरणको पक्षमा उभिऔं।’

श्रेष्ठले यसका लागि आआफ्नो ठाँउबाट भूमिका खेल्न र योगदान गर्न आह्वान गरेका छन्। ‘पार्टी एकता र देश तथा जनताको पक्षमा सरकारको सफलता हाम्रो आजको केन्द्रीय कार्यभार हुन्। निजी स्वार्थ त्यागौं,यो काम पुरा गरौं,’ उनले लेखेका छन्।

अतः नेपाली जनताको भरोसाको प्यारो पार्टी नेकपा लाई फुट र बिसर्जनको खतरावाट बचाऔं,एकता र रुपान्तरणको पक्षमा उभिऔं। आ-आफ्नो ठाँउबाट भुमिका खेलौँ,योगदान गरौं। पार्टी एकता र देश तथा जनताको पक्षमा सरकारको सफलता हाम्रो आजको केन्द्रीय कार्यभार हुन्।नीजि स्वार्थ त्यागौं,यो काम पुरा गरौं।

— NKShresthaPrakash (@nksthaprakash) May 7, 2020

श्रेष्ठले यसअघि पनि नै नेकपाका सन्दर्भमा अर्काे ट्वीट गरेका थिए। जसमा गणेशमान सिंह र कृष्णप्रसाद भट्टराईलाई सम्झेका छन्। उनले लेखेका छन्, ‘गणेशमानजी र किसुनजीले नेका (नेपाली कांग्रेस) एक राख्न पार्टी परित्याग सम्म गर्नुभयो। त्यो कदम ठीक थियो कि थिएन,बहस होला।तर पार्टी बचाउन गरिएको त्यागको उत्कर्ष हो त्यो।’

उनले पार्टी बचाउन आफूहरुले पनि जे गर्न पनि तयार हुनुपर्ने बताएका छन्। ‘तर पार्टी लाई फुटबाट मात्र होइन,बिसर्जनको  खतराबाट पनि जोगाउनु पर्छ,’ उनले लेखेका छन्।

गणेशमानजी र किसुनजीले नेका एक राख्न पार्टी परित्याग सम्म गर्नुभयो।त्यो कदम ठीक थियो कि थिएन,बहस होला।तर पार्टी बचाउन गरिएको त्यागको उत्कर्ष हो त्यो।हामी पनि हाम्रो पार्टी लाई बचाउन जे गर्न पनि तयार हुनुपर्छ। तर पार्टी लाई फुटबाट मात्र होइन,बिसर्जनको खतराबाट पनि जोगाउनु पर्छ।+

— NKShresthaPrakash (@nksthaprakash) May 7, 2020