फागुन २९, २०८०
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
सरकारले बाली लगाउनुअघि नै किसानको नाफा सुनिश्चित गर्ने नीति लिँदै कृषि पूर्वाधारमा ठूलो लगानी गर्ने घोषणा गरेपछि म्याग्दीका किसान हर्षित भएका छन् । सरकारले शुक्रबार सार्वजनिक गरेको आगामी आर्थिक वर्ष २०७७/७८ को नीति तथा कार्यक्रममा बाली लगाउनुअघि नै किसानको नाफा सुनिश्चित गर्ने उल्लेख भएपछि किसान खुशी भएका हुन् ।
म्याग्दीको बेनी नगरपालिका–२ खबराका व्यावसायिक कृषक चन्द्रबहादुर कार्कीले सरकारले सार्वजनिक गरेको नीति तथा कार्यक्रम व्यवहारमा लागू भए कुनै पनि कृषक निराश हुन नपर्ने दिन आउने बताउनुभयो । अहिलेसम्म सरकारले किसानलाई अनुदान दिने र कृषि उत्पादकत्व बढाउने नाममा तालिम, गोष्ठी र सेमिनारबाहेक अरु केही नगरेको बताउँदै वास्तविक किसानका लागि यसपटक सरकारले राम्रो नीति ल्याएको र व्यवहारमा समेत कार्यान्वयन गर्न आग्रह गरे ।
त्यसैगरी अर्का कृषक शोभित सापकोटाले आगामी १० वर्षमा कृषिको उत्पादकत्व दोब्बर बनाउन आधुनिकीकरण र व्यावसायिक कृषि अभ्यासको योजना ल्याउने सरकारको नीतिले धेरै मानिसको कृषि पेशाप्रति आकर्षण बढ्ने र यो पेशा सम्मानित पेशा हुने बताउनुभयो । सापकोटाले भन्नुभयो, “सरकारले कृषि क्षेत्रका लागि निकै राम्रो र समयानुकूल नीति तथा कार्यक्रम ल्याएको छ । यसले सम्पूर्ण किसानको हित गर्ने देखिन्छ ।”
कृषियोग्य भूमिको पूर्ण परिचालन गर्ने, रासायनिक मल र उन्नत जातको बीउको वितरण स्थानीय तहमार्फत गर्ने सरकारको नीति अत्यन्तै उपयुक्त रहेको कृषकले बताएका छन् । सरकारले आधुनिक यन्त्रीकरणमार्फत कृषि उत्पादन बढाउने, स्वदेशी उत्पादन प्रयोगमा जोड दिने, कृषि प्रशोधन केन्द्र खोलेर कृषि उपज निर्यातमा प्रोत्साहन गरिने जनाएको छ ।
नीति तथा कार्यक्रममा स्थानीय तहमा बीउ, नश्ल सुधार, बजारीकरणको एकाइ बनाइने, कृषि उपजको मूल्य शृङ्खलामा कृषि तथ्याङ्क एकीकृत गरिने, खाद्य स्वच्छता प्रवद्र्धन गर्ने, कृषि भूमिको सदुपयोग गरी भूमि बैंकको व्यवस्था गर्ने र चक्लाबन्दी खेतीमा जोड दिने उल्लेख छ । स्थानीय तहमार्फत करार खेतीमा प्रोत्साहन गर्ने, प्रधानमन्त्री कृषि आधुनिकीकरण परियोजना परिमार्जन गरेर लागू गर्न र राष्ट्रिय आवश्यकता र स्थानीय उत्पादनको आधारमा ठूलो क्षेत्रमा एकैखाले उत्पादनमा जोड दिने, अन्य परियोजनासँग दोहोरो नपर्ने गरी काम गर्ने नीति पनि सरकारले सार्वजनिक गरेको छ । सरकारले सार्वजनिक गरेको नीति तथा कार्यक्रममा कृषि क्षेत्रले महत्व पाएकामा कृषक दङ्ग परेका छन् ।
मङ्गला गाउँपालिकाका कृषक सुनिता सापकोटाले बीउ, मल र विषादी स्थानीय तहबाट नै पाउने र उत्पादन गरेका तरकारी तथा फलफूल स्थानीय तहले नै खरिद गरेर बिक्री वितरण गरे मात्र कृषकलाई फाइदा पुग्ने बताउनुभयो । उहाँले भन्नुभयो, “अहिले सरकारले कृषि क्षेत्रलाई धेरै नै महत्व दिएको टेलिभिजन हेरेर थाहा पाएँ, टिभीमा भनेझैं हुने हो भने हामीहरु (कृषक)लाई राम्रो हुने थियो ।”
नौ लाख सहयोग
उत्तरी म्याग्दीको रघुगङ्गा गाउँपालिकाले विश्वव्यापी महामारीका रूपमा फैलिएको कोरोना भाइरस रोकथाम, नियन्त्रण र व्यवस्थापनका लागि स्थापना गरेको कोषमा गाउँपालिकाका कर्मचारी र शिक्षकले रु नौ लाख सहयोग गरेका छन् । गाउँपालिकाभित्रका शिक्षक र कर्मचारीको बैठकले अधिकृत तहको पाँच दिन बराबर, अन्य कर्मचारीको तीन दिन, गाउँपालिकाभित्रका शिक्षकको तीन दिन र सहयोगी तहका कर्मचारीले एक दिनको तलब गरी रु नौ ९ लाख जम्मा गरेको गाउँपालिका प्रमुख प्रशासकीय अधिकृत अमृत सुवेदीले जानकारी दिए ।
कोषमा गाउँपालिकाको वडा नं १ मा स्थायी घर भइ हाल हङकङमा बसोबास गर्ने गोविन्द पुनले १५५ बोरा चामल, ३१० केजी नुन, १५५ लिटर तेल सहयोग गर्नुभएको थियो । उक्त खाद्यान्न १, २, ३ ४ नं वडाका असिनापीडित किसानलाई वितरण गरिएको प्रशासकीय अधिकृत सुवेदीको भनाइ छ । कोरोना कोषमा गाउँपालिकाले रु ७१ लाखको कोष स्थापना गरेका छ । उक्त कोषबाट जिल्ला अस्पताललाई आइसोलेसन वार्ड स्थापनाका लागि रु दुई लाख ५० हजार सहयोग गर्ने निर्णयसमेत गरेको छ । ध्रुवसागर शर्मा,रासस
एक वर्षको बीचमा भएको १३८ किलो सुन तस्करीका नाइके जीवनकुमार गुरुङ हाल अर्थ मन्त्रालय मातहत रहेको भन्सार विभागको हिरासतमा छन् । लामो समय फरार रहेका गुरुङलाई यही फागुन १४ गते काठमाडौंको सामाखुशी क्षेत्रबाट ...
विज्ञ समूहले दिएको सुझावसहितको प्रतिवेदन सम्बन्धमा मन्त्रिपरिषद्ले निर्णय गर्न ढिला गर्दा निजगढ विमानस्थल निर्माणको काम प्रभावित भएको छ । निजगढमा विमानस्थल बनाउन उपयुक्त रहेको भनेर विज्ञ समूहले प्रतिवेदन दिएको ए...
कर्मचारीलाई तलब खुवाउन समेत नसक्ने अवस्थाबाट गुज्रेको नेपाल वायु सेवा निगम (एनएसी)ले आर्थिक अवस्था सुधारेर अन्तर्राष्ट्रिय उडानका लागि विमान खरिद गर्दा लिएको ऋणको किस्ता तिर्न शुरू गरेको छ । लामो समय घाटामा रहे...
अर्थमन्त्री वर्षमान पुन 'अनन्त' समेत मुछिएको १३८ किलो सुन तस्करीको फाइल पर्याप्त अनुसन्धानविनै सरकारी वकिलको कार्यालयमा पुगेको छ । अर्थमन्त्रीका रूपमा पुन आएलगत्तै भन्सार विभागले पर्याप्त अनुसन्धानविनै फा...
मिडियाकै हितविपरीत काम गरेर विवादमा तानिएको विज्ञापन बोर्डले दुई वर्षमा राज्यकोषमा २० करोड ३१ लाख रुपैयाँ बढी व्ययभार थपेको छ । मिडियाको हितविपरीत एकपछि अर्को निर्णय गरेको बोर्डले विगत दुई वर्षमा २० करोड ३१...
काभ्रेपलाञ्चोकको पाँचखाल नगरपालिकाका प्रमुख महेश खरेलले झन्डै १ अर्बको प्रोजेक्टमा नेपाल महिला उद्यमी महासंघसँगको पूर्वसम्झौता उल्लंघन गर्दै आफ्नी जेठीसासू अध्यक्ष रहेको संस्थासँग सम्झौता गरेको पाइएको छ । महिला ...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...