भारतमा फेरि साधुको हत्या

भारतको महाराष्ट्रस्थित पालघरमा साधुहरूलाई भीडले कुटीकुटी हत्या गरेको विषय सेलाउन नपाउँदै त्यही राज्यको नांदेडमा लिंगायत समुदायका साधुको हत्याको खबर आएको छ । 

साधुको नाम रुद्र पशुपति महाराज बताइएको छ । प्रहरीका अनुसार, लिंगायत समुदायकै साईनाथ रामले साधुको हत्या गरेका हुन् । साधुु बसेकै इलाकामा अर्का एक व्यक्तिको पनि हत्या गरिएको छ । ती व्यक्ति साईनाथका साथी भएको बताइएको छ । 


Advertisement

शनिवार मध्यरात र साढे १२ को बीचमा साधुको हत्या भएको बताइएको छ । ढोका फोरेर आरोपित कोठामा पसेको र साधुको हत्या गरेर भागेको खबर छ । 

प्रदेश सरकारका मन्त्री अशोक चह्वाणले घटनाको निन्दा गर्दै प्रहरीलाई आरोपितमाथि कडा कारवाहीको आदेश दिएका छन् । 


Advertisement

त्यसअघि पालघरमा जूना अखाडाका दुई साधुलाई भीडले हत्या गर्दा महाराष्ट्रको कानून व्यवस्थाको कडा आलोचना भएको थियो । 
 

एजेन्सी
एजेन्सी

लेखकबाट थप...

कमेन्ट गर्नुहोस्