सुदूरपश्चिम प्रदेशको कञ्चनपुर जिल्लामा लकडाइनमा थप कडाइ गरिएको छ।

जिल्ला प्रशासन कार्यालयले सोमबारदेखि लागू हुने गरी अत्याआवश्यक औषधिउपचारको काम बाहेक सबै सेवा बन्द गर्ने निर्णय गरेको हो।

कोरोना भाइरसको जोखिम बढेको भन्दै प्रशासनले तरकारी बजार, फलफूल, खाद्यान्न, बैंक लगायत सम्पूर्ण व्यापार, व्यवसाय बन्द गर्ने जनाएको हो।

यसअघि यी सेवा आंशिक रुपमा सञ्चालित थिए।