आइतबार यो वर्ष (२०७७) को सबैभन्दा बढी तापक्रम मापन गरिएको छ। 

मौसम पूर्वानुमान महाशाखाका अनुसार काठमाडौँसहित देशका धेरै स्थानमा आइतबार अधिकतम तापक्रम मापन भएको छ। 

आइतबार काठमाडौँको अधिकतम तापक्रम ३१.८ डिग्रि सेल्सियस मापन गरिएको छ। 

सुदूरपश्चिमको धनगढीमा ४०.१ डिग्री सेल्सियस अधिकतम तापक्रम मापन गरिएको छ, भने  दिपायलमा ४० डिग्री सेल्सियस।

 नेपालगञ्ज, भैरहवा, विरेन्द्रनगर, दाङ, सिमरा, जनकपुर लगायतका केही स्थानमा ३५ डिग्री सेल्सियस वा सो भन्दामाथि अधिकतम तापक्रम मापन गरिएको छ।

कर्णाली, गण्डकी, बागमती प्रदेशका थोरै स्थानमा स्थानीय वायूको प्रभावले क्षणिक वर्षा गराए पनि लामो समयसम्म वर्षा  नरहेको महाशाखाले जनाएको छ। 

वैशाखमा वर्षाका कारण तापमान बढ्न पाएको थिएन।