कर्णाली प्रदेशमा थप ८ जनामा कोरोना भाइरस संक्रमण पुष्टि भएको छ ।

सामाजिक विकास मन्त्रालयको स्वास्थ्य महाशाखाका अनुसार बिहीवार थप ८ जनामा कोरोना पुष्टि भएको हो ।

प्रदेश अस्पताल सुर्खेतमा रहेको पशुपन्छी रोग अन्वेषण प्रयोगशालामा गरिएको पीसीआर परीक्षणमा दैलेखको नारायण नगरपालिका–१ का २६ वर्षीय पुरुष, वडा नम्बर ३ का १९, ३०, ३६, ४० वर्षीय पुरुष, सोही नगरपालिकाका ४ का २० वर्षीया महिला र १ वर्षीय बालक र वडा नम्बर ५ का १७ वर्षीय १ पुरुषमा कोरोना संक्रमण पुष्टि भएको महाशाखा प्रमुख डा. लक्ष्मीनारायण तिवारीले जानकारी दिए ।

सबै जना जिल्ला अस्पताल दैलेखको सरस्वती माध्यमिक विद्यालयमा रहेको आइसोलेसन कक्षमा उपचार गराइरहेका छन् । संक्रमितको स्वास्थ्य अवस्था सामान्य रहेको डा. तिवारीले बताए ।

यसअघि दैलेखमा ८ जनामा कोरोना देखिएको थियो । सुर्खेतमा बुधवार मात्रै १५ जनामा कोरोना संक्रमण पुष्टि भएको थियो ।