प्रदेश नम्बर १ मा थप ४ जना कोरोना भाइरस संक्रमित निको भई घर फर्केका छन् । 

कोशी अस्पताल (कोभिड–१९) उपचार केन्द्रमा उपचारार्थ उदयपुरको भुल्केका ३ महिलासहित ४ जना बुधवार साँझ निको भई घर फर्केको केन्द्रका जनस्वास्थ्य अधिकृत ज्ञानबहादुर बस्नेतले जानकारी दिए ।

यसरी निको भई घर फर्केनेमा ५८ वर्षीय मोहम्मद अलिजान, ३६ वर्षीया जुवेदा खातुन, ४० वर्षीया माधो खातुन र ६५ वर्षीया सविरण खातुन रहेका छन् ।  

घर फर्केका मो अलिजान र जुवेदा खातुन वैशाख ९ गते र अन्य २ जना वैशाख २७ गते केन्द्रमा उपचारका लागि भर्ना भएका थिए । डिस्चार्ज भएका सबैलाई उदयपुरको भुल्के पठाइएको उनले बताए ।

प्रदेशमा निको हुनेको संख्या ३० पुगेको छ । केन्द्रमा अहिले ३१ जना संक्रमितको उपचार भइरहेको जनाइएको छ । 

को उत्तिकै भनेका हुन् । भारतमा मृत्युदर धेरै कम छ । निको हुने धेरै छन् ।