१३ औं गणतन्त्र दिवसको अवसरमा नेपाल कम्युनिष्ट पार्टी (नेकपा) स्याङ्जाका जिल्ला अध्यक्ष सूर्यप्रसाद गैह्रे ‘पारस’ले स्याङ्जा जिल्लाका तीन पालिका गल्याङ नगरपालिका, चापाकोट नगरपालिका र कालिगण्डकी गाउँपालिकामा रहेको कोभिड १९ कोरोना क्वारेन्टाइनलाई आर्थिक सहयोग गरेका छन् ।

लोकान्तरसँग कुरा गर्दै पारसले ९० बोरा चामल, ९० लिटर खानेतेल, १२० केजी दाल, ९० केजी नुन, १/१कार्टुन १४४ बोतल स्यानिटाइजर, बिस्कुट र ब्रेडसमेत सहयोग व्यक्तिगत रूपले सहयोग गरेको बताए ।

उनले एक पालिकामा १ लाख गरी जम्मा ३ लाख बराबरको खाद्यान्न सामाग्री सहयोग गरेका हुन् । उनले क्वारेन्टाइनमा बसेकाहरुलाई समस्या नहोस भनी सहयोग गरेको बताए ।

स्याङ्जा निर्वाचन क्षेत्र २ ‘ख’का उम्मेदवारसमेत रहेका पारस पछिल्लो समयमा विभिन्न सामाजिक अभियानमा समेत क्रियाशील छन् । उनी तत्कालीन माओवादी सशस्त्र विद्रोहका क्रममा ३५ महिना भन्दा बढी सैन्य हिरासतमा बिताएका नेता हुन् ।