अर्थमन्त्री डा. युवराज खतिवडाले आगामी साउनदेखि काठमाडौंमा मेलम्ची खानेपानी आयोजनाको खानेपानी वितरण गरिने घोषणा गरेका छन् ।

संसदको संयुक्त बैठकमा आगामी आर्थिक वर्ष २०७७/७८ को बजेट प्रस्तुत गर्दै डा. खतिवडाले चालू आर्थिक वर्षभित्रै आयोजनाको आधारभूत निर्माण कार्यसम्पन्न गरेर आगामी आर्थिक वर्षको शुरूदेखि नै खानेपानी वितरण शुरू गरिने बताएका छन् ।

काठमाडौंको खानेपानीको मागलाई पूरा गर्न दोस्रो चरणको खानेपानी आयोजना समेत शुरू गरिने मन्त्री खतिवडाले जनाएका छन् । मेलम्ची खानेपानी आयोजना लामो समयदेखि काठमाडौंवासीको सपनाको रुपमा रहेको छ ।