सर्वाेच्चको बृहत इजलासको फैसला: लकडाउन खुलेको ३० दिनसम्म हदम्याद नलाग्ने

सर्वोच्च अदालतले लकडाउनको अवधिलाई ‘शून्य समय’को रुपमा व्याख्या गरेको छ। 

प्रधानन्यायाधीश चोलेन्द्र शमशेर राणासहित सर्वाेच्चका सबै १९ जना न्यायाधीश सम्मिलित बृहत इजलाशले लकडाउन खुलेको ३० दिनभित्र मुद्दामामिलामा हदम्याद नलाग्ने र अरू म्याद पनि ३० दिन कायम हुने फैसला गरेको हो। 


Advertisement

नेपालमा कोरोना रोकथामका लागि ११ चैतदेखि लागू भएको लकडाउन पटकपटक थपिदै जेठ २० सम्म कायम भएको छ। तर, संक्रमितको संख्या दिनप्रतिदिन बढिरहेका बेला लकडाउन कहिलेसम्म लम्बिन्छ भनेर यकिन नभएका बेला सर्वाेच्चको यस्तो फैसला आएको हो।

सर्वाेच्चको यो फैसलासँगै अब लकडाउन खुलेको १ महिनाको अवधिमा मुद्दाका पक्षहरुले हदम्याद नाघेको भए पनि मुद्दा दायर गर्न, तारिख लिन, पुनरावेदन गर्न पाउने छन्। फैसला ५२ पेज लामाे छ।


Advertisement

नेपाल बारका पूर्वउपाध्यक्ष टीकाराम भट्टराईले रिट दायर गरेका थिए। 

फैसलाकाे पूर्ण पाठका लागि यहाँ क्लिकगर्नुस्
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्