पेट कहिले भरिन्छ ?

साहित्य

पेट कहिले भरिन्छ ?

जेठ १७, २०७७

– – –

- युवराज मैनाली

जे खाए पनि

Advertisment

जति खाए पनि

Advertisment

कहिल्यै नअघाउने

हे अगस्ति !

भन त,

कति खाएपछि ?

के खाएपछि ?

तिमी अघाउॅंछौ ?

***

पाखा र पर्वत खायौ

जल र जमिन खायौ

बारी र खेत खायौ

आली र माली खायौ

बाली- नाली खायौ

चरन चपायौ

वन खायौ

तन चिमोठ्यौ

मन निमोठ्यौ

भान्छे भएर मान्छे खायौ

चितुवालाई जित्यौ

मुटु - कलेजो निल्यौ

रगतमा पौडी खेल्यौ

रगतैले तिर्खा मेट्यौ

तैपनि तिमी

सधैं भोकै छौ

तिर्खाले आकुल-व्याकुलै छौ

हे , अगस्ति !

भन त ,

कति खाएपछि ?

के खाएपछि ?

तिमी अघाउॅंछौ ?

***

बगर खायौ

नहर खायौ

ढुंगा खायौ

गिटी खायौ

सिमेन्ट खायौ

बालुवा खायौ

सडक र गल्ली खायौ

पेट्रोल र डिजेल खायौ

डोजर र अलकत्रा खायौ

दुध र तेल खायौ

बस र ट्रक पचायौ

विमान र हेलिकप्टर निल्यौ

सुन खायौ

चन्दन चपायौ !

अचम्म लाग्छ !

अझै भरिॅंदैन

तिम्रो पेट !!

***

तराईका फाँट र पहाडपर्वतहरू

बस्तीका मानव र असंख्य जीवहरू

पसिसके तिम्रै पेटभित्र

तैपनि

तिमी अघाउॅंदै अघाउॅंदैनौ

कस्तो अचम्म !

***

कोरोनाका कहरहरू

थाती राखेर

अझै फैलाइरहेका छौ

आफ्ना लामा हात !

***

आस्था, नैतिकता र इमान

सबै सबै बिर्सिएर

धेरै धेरैका

निद्रा , सपना र बिपना

निलिसक्यौ

पचाइसक्यौ

आश्चर्य !

तैपनि तिमी अघाउॅंदैनौ !!

***

भन त ए , अगस्ति !

‘ब्ल्याकहोल’ जस्तो

रहस्यमय र अनौठौ

तिम्रो त्यो विशाल पेट

केले भरिन्छ ? कहिले भरिन्छ ! ?

****

धुम्बाराही , काठमाडौ ।

– – –

पत्रकार भण्डारीको ‘बोरा’ उपन्यास विमोचन [भिडियोसहित]

चैत ३०, २०८०

लेखक एवं पत्रकार अखण्ड भण्डारीको उपन्यास ‘बोरा’ विमोचन भएको छ । अन्नपूर्ण पोस्ट दैनिकका प्रधान सम्पादक भण्डारीको ‘बोरा’ उपन्यास शुक्रवार काठमाडौंमा आयोजित कार्यक्रममा विमोचन गरिए...

साहित्य

सानीमा भेट्न चितवन गएको थियो गोपाल चार दिन हिँडेर । राप्ती किनार नजिकको सानो गाउँमा बस्दै आएकी थिइन् उनी, जो पहाडमा खान लाउन नपुगेपछि केही वर्ष अघि पुगेकी हुन् त्यतातिर । त्यतिबेला अहिलेजस्तो यातायातको साधन...

साहित्य

कविता– को हो त्यो कानूनमा अधिकार माग्ने शिक्षक ?

असोज ३, २०८०

त्यो शिक्षकले पढायो, नेता बन्न सिकायो र त आज देशको बागडोर चलाइरहेका छौ । त्यो शिक्षकले पढायो, कर्मचारी बन्न सिकायो र त आज देशको प्रशासन चलाइरहेका छौ । त्यो शिक्षकले पढायो, डाक्टर बन्न सिकायो र त आज हजारौ...

साहित्य

रुँदारुदै हाँसेको ‘जीवन्त सम्बन्ध’

असोज १०, २०८०

गुणराज ढकाल सामाजिक सञ्जालमा अभ्यस्त हुन थालेपछि अध्ययन गर्ने बानी निकै घटेको छ । सामाजिक सञ्जालमा आउने टिप्पणीबाटै हामीले आफ्नो दृष्टिकोण बनाउने गर्दछौं । विषयको गहिराइसम्म पुगेर अध्ययन तथा विश्लेषण गर...

साहित्य

जब काकाले बाँसको झाङमा चढेर दारी काट्दै गरेका राजा वीरेन्द्रलाई देखे...

कात्तिक ८, २०८०

पहाडमा उखु पेलेर खुदो पकाउने समय पारेर मधेशको गर्मी छल्न राजेन्द्र काका (ठूलो भुँडी लागेकाले हामीले मोटे अंकल भन्थ्यौं) गुल्मीको पहाड घरमा आउँथे । चैत–वैशाखको समयमा कोलबाट पेल्दै गरेको उखुको रस, रसेट...

साहित्य

‘नेता बन छोरा नेता बन’ भित्रको काव्यकारिता र 'डायस्पोरिक' चेत

कात्तिक २८, २०८०

गोपी मैनाली कविहरूले केका लागि कविता लेख्छन् भन्नेमा मत्यैक्यता पाइँदैन । कोही आनन्दका लागि भन्छन्, त कोही उपयोगिताका लागि । अझ कोही त अभिव्यञ्जनाको अर्को उद्देश्य नै हुँदैन भन्ने गर्छन् । ...

आलेख

'एमाले यो सरकारको धरौटीमा छ, बजेट सहमतिमै बन्छ'

बैशाख ७, २०८१

हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...

आलेख

उल्लासविहीन नयाँ वर्ष, चंगुलमा परेको लोकतन्त्र

बैशाख ६, २०८१

सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...

आलेख

ज्ञान र विज्ञानको भण्डार

बैशाख १, २०८१

एक दिन काम विशेषले नयाँ सडकतिर गएको थिएँ, मोबाइल टिङटिङ गर्‍यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...