विदेशमा अलपत्र नागरिक ल्याउने तयारीबारे संसद्मा अर्थमन्त्रीले दिए जानकारी

अर्थमन्त्री डा. युवराज खतिवडाले कोरोना संकटका कारण विदेशमा अलपत्र नागरिकलाई स्वदेश फर्काउनेबारे गृहकार्य भइरहेको बताएका छन् ।

परराष्ट्र मन्त्रालयका नियोगमार्फत भिसा अवधि सकिएका तथा वर्कपरमिट सिद्धिएका व्यक्तिबारे विदेशस्थित दूतावासहरूले विवरण संकलनको काम गरिरहेको उनले जानकारी गराए । 


Advertisement

आर्थिक वर्ष २०७७/०७८ को राजस्व र व्ययको वार्षिक अनुमान (बजेट) माथिको सामान्य छलफलमा सांसदहरूले उठाएका प्रश्नको सोमवार प्रतिनिधि सभा बैठकमा जवाफ दिँदै अर्थमन्त्री खतिवडाले विदेशबाट आउन चाहनेको संख्या ठूलै रहेकाले सरकारले क्वारेन्टाइन लगायतको तयारी गरिरहेको बताएका हुन् । 

‘विदेशबाट आउने व्यक्तिको आकलन अलि जटिल विषय पनि छ, नेपाल सरकारले परराष्ट्रका नियोगमार्फत त्यस्ता भिसा सकिएका, र्वकपर्मिटको अवधि सद्धिएका, विद्यार्थी, विदेश घुम्न गएका तथा विभिन्न कारणले अलपत्र परेर स्वदेश फर्किन चाहेका व्यक्ति सबैलाई ध्यानमा राखेर प्राथमिकताका आधारमा उहाँहरूलाई ल्याउन राजदूतावासले विवरण संकलन गरिरहेको छ,’ मन्त्री खतिवडाले भने, ‘अहिले नै संख्या यकिन भइसकेका छैन, ठूलै संख्यामा आउने भएपछि तयारी गर्नुपर्छ । होटलमा बस्न चाहेमा आवश्यक होटल क्वारेन्टाइनको तयारी गरिएको छ । आवश्यक सुरक्षासाथ उहाँहरूलाई ल्याउनेबारे छिट्टै निर्णयमा पुग्छौं ।’ 


Advertisement

सांसदहरूले विदेशमा अलपत्रलाई स्वदेश फर्काउने योजनाबारे सरकारसँग जवाफ माग गरेका थिए । 
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्