सरकारले गरेको बन्दाबन्दी (लक-डाउन)लाई चुनौती दिँदै काठमाडौंको मुख्य व्यापारिक केन्द्र न्यूरोडका व्यापारीले बिहीवार पसल खोलेका छन् ।

लकडाउनका कारण गत चैत ११ गतेदेखि न्यूरोड बजारका सबै पसल बन्द थिए । कतिपयले सरकारले लकडाउन शुरू गर्नुअगावै पसल बन्द गरेका थिए ।

सरकारले विना विकल्प लक-डाउन लम्बाएको भन्दै व्यापारीहरुले उल्लङ्घन गर्ने चेतावनी दिएका थिए । बिहीवार बिहान न्यूरोडका केही व्यापारीले पसल खोलेका छन् ।

उनीहरुले सरकारले गरेको लक-डाउनमा समेत कर तिर्न उर्दी जारी गरेका कारण बाध्य भएर पसल खोल्नु परेको बताए ।

‘लामो समयसम्म व्यापार बन्द हुदा हामीहरु मर्नु न बाँच्नु भएका छौं, ग्राहक नआएपनि मन शान्त पार्न पसल खोलेका हौं,’ न्यूरोडका एक कपडा पसलले भने । अर्का एक व्यापारीले घरभाडा तिर्ने समेत पैसा नभएको बताए ।

व्यापारीहरूले लामो समय लक-डाउनमा थुनेपनि सरकारले आफूहरूलाई सरकारले कुनै राहत नदिएको आरोप लगाए । झण्डै साढे २ महिनादेखि सुनसान रहेको न्यूरोडमा बिहीवार सामान्य चहलपलह शुरू भएको हो ।

हेर्नुहोस् फोटो-फिचर: