मेक्सिकोमा प्रदर्शनकारीले प्रहरी अधिकारीलाई लगाए आगो, तत्कालै निभाइयो (भिडियो)

मेक्सिकोमा विरोध प्रदर्शन गरिरहेका मानिसको एक समूहले एक प्रहरी अधिकारीलाई आगो लगाएका छन् । एकजना स्थानीय पुरुषलाई हिरासतमा लिएको केही समयमा नै उनको मृत्यु भएपछि देशमा विरोध र दंगा शुरू भएका हुन् ।

घटना ग्वादालाजारा शहरमा भएको हो । मोटरसाइलकमा आएमा प्रहरी अधिकारीहरू विरोधकर्ताहरूसँग आमनेसामने भएको भिडियोमा देखिन्छ । मास्क र कालो चश्मा लगाएका एक मानिसले एक प्रहरी अधिकारीको ढाडमा प्रज्वलनशील पदार्थ फ्याँकेर आगो लगाउँछन् । 


Advertisement

प्रहरी दौडिन्छन् र सडकपेटीमा लड्छन् । उनका सहकर्मी र बटुवाहरू बचाउन दौडिन्छन् । उनीहरूले तत्कालै आगो निभाउँछन् । त्यसपछि ती अधिकारी उठ्छन् र त्यहाँबाट जान्छन् । 

जियोभानी लोपेज नामक व्यक्तिलाई एक महिनाअघि गुआदालाजारा नजिक पक्राउ गरिएको थियो । पक्राउ गरेको केही घन्टापछि नै उनलाई हिरासतबाट अस्पताल लगिएको थियो र त्यहाँ नै उनको मृत्यु भयो । लोपेजलाई पक्राउ गर्दा प्रहरीले बल प्रयोग गरेको उनको भाइले खिचेको भिडियोमा देखिन्छ । 


Advertisement

लोपेजको हत्या गरिएको भन्दै विरोध प्रदर्शन गरिएको हो ।

एजेन्सी
एजेन्सी

लेखकबाट थप...

कमेन्ट गर्नुहोस्