घनश्याम भुसाललाई ‘अभिमन्यु’ को संज्ञा दिँदै प्रदीप गिरीले भने- चक्रव्युहबाट सुरक्षित फर्किनु होला

नेपाली कांग्रेसका सांसद प्रदीय गिरीले कृषि तथा पशुपक्षी विकासमन्त्री घनश्याम भुसाललाई अभिमन्युको संज्ञा दिँदै सुरक्षित ढंगले चक्रव्युहबाट फर्किन सुझाव दिएका छन्।

मन्त्री बनेर केही गर्न नसकेको भन्ने भुसालको अभिव्यक्तिप्रति संकेत गर्दै गिरीले यसअघि यस्तै अभिव्यक्तिका कारण कांग्रेस नेतृ सैलजा आचार्यले कडा मूल्य चुकाउनु परेको स्मरण गरे। 


Advertisement

विनियोजन विधेयक अन्तर्गत कृषि मन्त्रालयको लागि विनियोजित शीर्षकमाथि शनिबार प्रतिनिधिसभा बैठकमा भएको छलफलमा भाग लिँदै नेत गिरीले बजेटमा कनिका छरेजस्तो खतरनाक किसिमले पैसा छरिएको बताएका हुन्। 

‘संसदीय लोकतन्त्रले पनि ल्याउन नसकेको अनुभुति कोरोनाले ल्याउछ कि भन्ने झिनो आशा थियो। प्रत्येक संकटले एउटा अवसर ल्याउछ भनेर म जस्ता आशावादीले आशा गरेका थिए। त्यो आशा मूल बजेटले ध्वस्त गर्यो। प्रस्तुतकर्ता अर्थमन्त्री, क्वाविनेट, प्रधानमन्त्रीले गणतन्त्रपछि आएको अवसरलाई संकटलाई अवसरमा बदल्न सकिन्छ भन्ने अनुभूति बजेटले दिएन,’ गिरीले भने, ‘कृषि मन्त्रीले त सानो भूमिका समेत लेख्न पाउनु भएको छ। त्यो भूमिका पढ्दा घनश्याम प्रतिभाशाली र प्रतिवद्ध कमरेड हुनुहुन्छ। त्यो बाहेक उहाँको अभिव्यक्ति आएको छ, ए मन्त्री भएर क्याकन गरौला भनेको त केही पनि गर्न सकिदो रहेछन्। अभिमन्यु चक्रव्यहमा प्रवेश गरेझै एउटा तन्त्रमा प्रवेश गर्नु भएको छ। पूरै अप्ठेरोमा पर्नु भएको छ, त्यो अप्ठेरोका निमित्त तपाईका अध्यक्ष प्रधानमन्त्री मात्र जिम्मेवार छैनन्, यो व्यवस्था र हाम्रो बीचको वैमन्यसता छ। न हामी सँग विश्व दृष्टिकोण छ, न समाजवादी दृष्टिकोण छ।’


Advertisement

सांसद गिरीले अगाडि थपे, ‘अभिमन्यु गौरवशाली पात्र थिए, यजस्यु थिए, छन्। तपाई जस्तै दुस्साहस शैलजाले संसदको फोरमबाट गर्नु भएको थियो, त्यसबापत कडा मूल्य तिर्नु भएको थियो। कोरोनाले आप्रवासनमा फर्केर आएकालाई रोजगारी दिन, कृषिलाई अत्यन्त महत्व दिनुपरेको थियाे। कनिका छरेजस्तो खतरनाक किसिमले पैसा छरिएको छ। कृषिमा गरिएको अनुदान कसरी दुरुपयोग भएको भनेर हेर्न रुकुमको खबर पढ्नु होला, जसले कमरेडको लज्जाबोध गराउछ।’

सांसद गिरीले दोहोरो करका कारण किसान उखु बेच्न पनि ठगिने र चिनी किन्दा पनि ठगिने गरेको उल्लेख गरे। 

‘कृषकप्रति अत्याधिक ज्यादा सहानुभूति अत्यावश्यक छ। प्रधानमन्त्री त यो देशमा वायुयान र जलयान चलाउन व्यस्त हुनुहुन्छ, अर्थमन्त्री प्रत्येक शहरलाई कहर बनाउन व्यस्त हुनुहुन्छ। तपाई क्रान्तिकारी कृषि मन्त्री पहिलो पटक प्रतिरोध गर्नु भएको छ, सुरक्षित ढंगले चक्रव्युहबाट फर्किनु होला,’ उनले भने ।
 

लोकान्तर संवाददाता
लोकान्तर संवाददाता

लेखकबाट थप...

कमेन्ट गर्नुहोस्