भरतपुर अस्पतालको आइसोलेसनमा उपचाररत कोरोना संक्रमित १ पुरुषको मृत्यु भएको छ ।

उनी फोक्सोको क्यान्सरबाट पीडित रहेको बताइएको छ । बिहीवार राति उनमा कोरोना संक्रमणको पुष्टि भएको थियो । 

अस्पतालका सूचना अधिकारी लिलाधर पौडेलले कैलालीको गोदावरीका ५० वर्षीय पुरुषको उपचारतका क्रममा शनिवार बिहान मृत्यु भएको बताए । उनका अनुसार ती पुरुष क्यान्सरको उपचारका सिलसिलामा भारतबाट फर्किएका थिए । 

पछिल्लो समयमा उनको स्वास्थ्यमा समस्या देखिएर असार १० गते चितवन मेडिकल कलेजमा उपचारका लागि ल्याइएको थियो । उपचारका क्रममा उनको स्वाब परीक्षण गरिएको थियो । 

भरतपुर कोभिड–१९ प्रयोगशालाले उनलाई कोरोना संक्रमण पुष्टि गरेको थियो । कोरोना पुष्टि गरेसँगै भरतपुर अस्पताल रिफर गरिएको थियो ।