दुर्घटनामा प्रहरी जवानसहित २ जनाको मृत्यु

प्रकाश आचार्य
प्रकाश आचार्य

लोकान्तर संवाददाता आचार्य प्रदेश नम्बर ५ बाट रिपोर्टिङ गर्छन् ।

रुपन्देहीको सैनामैनामा सोमवार दिउँसो भएको सडक दुर्घटनामा परी २ जनाको मृत्यु भएको छ ।

पूर्वपश्चिम राजमार्ग अन्तर्गत रुपन्देहीको सैनामैना नगरपालिका–६ कलौनीमा लु२च ८५२९ नम्बरको कार र लु५२प ६२२९ नम्बरको मोटरसाइकल एकआपसमा ठक्कर खाएका थिए ।


Advertisement

दुर्घटनामा परी मोटरसाइकलमा सवार सैनामैना–१ का ३० वर्षीय सन्तोष परियार र ५० वर्षीय टेकबहादुर परियार छन् । दुवै बुवाछोरा हुन् । सुरेश इलाका प्रहरी कार्यालय बुटवलमा कार्यरत प्रहरी जवान हुन् । 

दुर्घटनामा गम्भीर घाइते दुवै जनाको उपचारको क्रममा बुटवलस्थित लुम्बिनी प्रादेशिक अस्पतालमा मृत्यु भएको इलाका प्रहरी कार्यालय बुटवलका प्रहरी नायव उपरीक्षक प्रतितसिंह राठोरले जानकारी दिए । 


Advertisement

कार र मोटरसाईकल इलाका प्रहरी कार्यालय सालझण्डीको नियन्त्रणमा रहेको छ भने घटना सम्बन्धी थप अनुसन्धान भइरहेको प्रहरीले जनाएको छ । कारमा ४ जना सवार थिए । कार चालक भीउबहादुर रोकामगरलाई नियन्त्रणमा लिएर थप अनुसन्धान भएको राठोरले बताए । 

प्रकाश आचार्य
प्रकाश आचार्य

लेखकबाट थप...

कमेन्ट गर्नुहोस्