संक्रमितको दैनिक संख्या किन उस्तै अंकमा छ ? डा. रवीन्द्र पाण्डे

डा. रवीन्द्र पाण्डे
डा. रवीन्द्र पाण्डे

जनस्वास्थ्य विज्ञ पाण्डे लोकान्तरका नियमित स्तम्भकार हुन् ।

विगत धेरै दिनयता दैनिक संक्रमितको संख्या ४००–७०० को बीचमा छ । सामान्यतया कोरोना संक्रमणको ट्रेन्ड यस्तो प्रकारको हुँदैन ।

रोग नियन्त्रण हुने समयमा जब कर्भ फ्ल्याट हुन्छ, त्यो अवस्थामा अहिलेको ट्रेन्ड देखिन्छ ।


Advertisement

नेपालमा कोरोना संक्रमणको उच्च विन्दु कहिले पुग्छ भन्ने बारे वैज्ञानिक आधार छैन । सरकारी, सामुदायिक तथा निजी प्रयोगशालाबीच समन्वय गरेर जाँचको दायरा दैनिक पन्ध्र हजार पुर्‍याउन सकिन्छ, यसका लागि सरकारले स्टकमा रहेका स्याम्पल निजी ल्याबलाई दिने तथा त्यसबापत निजी ल्याबलाई सरकारले शुल्क तिर्ने ब्यवस्था गर्दा आम जनतामा आर्थिक बोझ पर्दैन ।

हामी कहाँ मोलिकुलर वैज्ञानिक, माइक्रोबायोलोजिस्ट तथा भाइरोलोजिस्टको दक्ष जनशक्तिलाई सरकारले उपयोग गरेको देखिएको छैन, त्यो जनशक्तिलाई सामान्य सिस्टमबारे तालिम दिएर खटाउने हो भने २४ घण्टा नै परीक्षण गर्न सम्भव छ ।


Advertisement

कोरोनाभाइरस RNA भाइरस रहेको तथा RNA छिट्टै नै नष्ट हुने भएको हुँदा कोल्ड चेन मेन्टेन नगरेमा तथा तत्काल परीक्षण नगरेमा RNA नष्ट भएर संक्रमितको PCR रिपोर्ट नेगेटिभ आउन सक्छ । यो तथ्यलाई ध्यान दिनु जरुरी छ ।

भारतबाट नेपाल फर्किने नागरिकको गाउँमा, सीमावर्ती जिल्लामा तथा ठूला सहरमा परीक्षणको दायरा नबढाएसम्म संक्रमण कुन स्तरमा पुगेको छ भनेर यकिन गर्न सकिँदैन, त्यसैले परीक्षणलाई अभियानको रूपमा सञ्चालन गर्नु जरुरी छ ।

स्वेच्छाले PCR टेस्ट गर्न चाहनेलाई Paying clinic वा निजी ल्याबबाट परीक्षण गर्ने व्यवस्था पनि गर्न सकिन्छ । धनी व्यक्तिलाई राज्यले नि:शुल्क परीक्षण गर्नुभन्दा त्यो शुल्कलाई आम जनताको परीक्षणमा खर्च गर्नु न्याय संगत हुन्छ ।

सरकारी तथा निजी क्षेत्रका विज्ञहरूले कोरोना संक्रमणको यो एकै गतिलाई विश्लेषण गर्नु जरुरी छ ।

यो विश्लेषण र व्यापक परीक्षणबाट ४-५ दिनमै हामीले संक्रमणको गति र चरण बुझ्न तथा त्यहीअनुसार रणनीति बनाउन सहयोग मिल्नेछ ।

अन्यथा हामीलाई कोरोना संक्रमण भुसको आगो भएको छ कि उच्चबिन्दुमा पुगेर झर्दैछ भन्ने यथार्थता थाहा हुँदैन । यथार्थता थाहा नभएको अवस्थामा कुहिरोको काग बन्नुको कुनै विकल्प हुँदैन ।

(डा. पाण्डेको फेसबूकबाट)

डा. रवीन्द्र पाण्डे
डा. रवीन्द्र पाण्डे

लेखकबाट थप...

कमेन्ट गर्नुहोस्