नेपाल कम्युनिस्ट पार्टी (नेकपा) स्थायी कमिटी बैठक बिहीवार छोटो समय बसेर स्थगित भएको छ ।

बिहान साढे ११ बजे एकछिन बसेको बैठकमा केशव बडाल बोलेका थिए । त्यसपछि मन्त्रिपरिषद् बैठक भनेर बैठक स्थगित गरिएको थियो ।

अपरान्ह ४ बजेको समयमा बसेको बैठक २५ मिनेटमै स्थगित भएको हो । अर्को बैठक शनिबार बिहान ११ बजे बस्ने नेकपा प्रवक्ता नारायणकाजी श्रेष्ठ प्रकाशले जानकारी दिए ।

बैठकअघि अध्यक्ष पुष्पकमल दाहाल प्रचण्डले राष्ट्रपति विद्या भण्डारीसँग भेटवार्ता गरेका थिए । 

प्रचण्ड शीतल निवासबाट फर्केपछि नेकपा बैठक बसेको थियो ।