सिन्धुपाल्चोकको बाह्रबीसे नगरपालिका वडा नम्बर ५ जम्बुमा गएरातिको बाढीले १५ घर बगायो ।

ठाडो खोलामा पहिरोसमेत मिसिएर आएको बाढीले अरनिको राजमार्गस्थित जम्बु बजारमा रहेका १३ पक्की घर र २ टहरालाई भोटेकोशीमा मिसायो ।

यसक्रममा १६ जना बेपत्ता भए भने २ जनाको शव भेटिएको छ ।

सिन्धुपाल्चोकमै अन्य ४ जना बेपत्ता छन्, बेपत्ता हुनेको कुल संख्या २० रहेको जिल्ला प्रहरी कार्यालय सिन्धुपाल्चोकका प्रवक्ता प्रहरी नायव उपरीक्षक (डीएसपी) माधव काफ्ले बताउँछन् ।​

जम्बुभन्दा माथितिर ३ गाउँ थिए । यस प्राकृतिक विपद्ले पुर्‍याएको क्षतिको यकिन विवरण अझै आइसकेको छैन ।

घाइते ४ जनालाई हेलिकप्टरमार्फत उद्धार गरी काठमाडौं ल्याइएको छ ।

हेर्नुहोस्, तस्वीहरू :