साउदी अरबको रियादबाट इन्डिगो विमान जम्मु कश्मीरको श्रीनगरमा अवतरण गर्नै लाग्दा बेस्सरी हल्लिएपछि यात्रुहरू तर्सेका छन् । 

विमानभित्र खिचिएको भिडियोमा घटनाका कारण सबैजना आत्तिएको र हल्लाखल्ला गरेको देखिन्छ । विमान हल्लिएर सुइयँ तल आउँदा मानिसहरू चिच्याउने र रुने गरेको देखिन्छ । 

तर्सिएका यात्रुहरूले हल्लिरहेका सीटमा च्याप्प समातेको अनि रुँदै ईश्वरसँग प्रार्थना गरेको देखिन्छ । विमानका कर्मचारीहरूले घोषणा गरेको पनि सुनिन्छ । 
 

इन्डिगोको फ्लाइट ६ई९८२२ मा घटना भएको हो । 

विमान खतरनाक तरिकाले हल्लिएकाले यात्रुहरू तर्सिएको एक यात्रुले पछि बताए । वृद्धवृद्धाहरूको सीटबेल्ट बाँधिएको भए पनि सन्तुलन गुमाएको उनको भनाइ छ । 

विमान सुरक्षित रूपमा श्रीनगर विमानस्थलमा अवतरण गर्न सफल भएको थियो । विमानले भुइँ टेकेपछि यात्रुहरूले खुशी हुँदै भगवानलाई धन्यवाद दिएका थिए । 

Watch: Kashmir bound flight hits air turbulence before landing. https://t.co/2yq6nO2Hhg pic.twitter.com/r7o6PUDC1y

— The Kashmir Monitor (@Kashmir_Monitor) July 11, 2020