स्याङ्जाको कालीगण्डकी गाउँपालिका–४ बिर्घामा पहिरोले पुरिएर ३ जनाको मृत्यु भएको छ, १ जना बेपत्ता भएका छन् भने २ जनालाई घाइते अवस्थामा उद्दार गरिएको छ ।

बिहान साढे ९ बजे गएको पहिरोमा बेपत्ता भएकाको खोजीकार्य जारी रहेको छ ।

घटनास्थलबाट नेकपा स्याङ्जाका अध्यक्ष सुर्य शर्मा ‘पारस’ले लोकान्तरलाई दिएको जानकारी अनुसार बेपत्ताको खोजीकार्य जारी रहेको छ ।

‘घाइतेलाई उपचारका लागि अस्पताल पुर्याइएको छ भने बेपत्ताको खोजीकार्य जारी छ,’ पारसले भने, ‘बिहानैदेखि प्रहरीको टोलीले उद्दार कार्य थालनी गरेको थियो ।’